Showing posts with label TETE DAN CUCU. Show all posts
Showing posts with label TETE DAN CUCU. Show all posts

TRIPLEX



CUCU tanya tete.
CUCU: apa bhs inggris angka satu..
TETE: one..
CUCU:Kalau dua ?
TETE: two..
CUCU: Kalo tiga,.?
TETE:Three
CUCU:kalo tiga stengah..
TETE: Kalau tiga tu triplekz..

TETE SALAH OBAT MATA


ada tete. de sakit mata. jadi tete de suruh de pu cucu untuk taruh salep obat mata.

tete : " cucu... cucu.. ko datang tolong ambil tete pu obat salep di atas lemari baru taruh di tete pu mata dulu.

cucu datang dan de ambil barang yg ada diatas lemari.. dan de tetes di tete pu mata.

tra lama kemudian.. tete mau buka mata tra bisa.. trus.. tete pu mata rasa panas skali..

akhirnya tete tanya : " eh.. cucu.. itu obat apa yang ko tetes di tete pu mata ?

cucu de jawab : " sa tra tau tete... sa ambil diatas lemari.

tete bilang : "adoh. coba ko eja nama obat yg tadi ko tetes di tete pu mata dolo..!

cucu de mulai mengeja : " al te co...!

Tete pas dengar.. lagsung tete pingsan. bagaimana lem alteco yg cucu de tetes di tete pu mata mo

BERENANGLOGI, TENGGELAMLOGI & MATILOGI


Ada tete sama de pu cucu. Cucu nih mahasiswa di Jawa. Satu kali de ada pulang ke kampung, jadi de ikut tete cari ikan...
Cucu : Tete... ko tau Biologi ka???
Tete : ... (cuma goyang kepala saja)
Cucu : Baru Sosiologi???
Tete : ... (cuma goyang kepala saja)
Cucu : Kalo Antropologi???
Tete : ... (cuma goyang kepala saja, tapi tete su mulai ganas ka)
Sampe tengah laut baru tete yang balik tanya de pu cucu...
Tete : Baru cucu ko tau pelajaran Berenanglogi ka???
Cucu : Tra tau tete...
Tete: Kalo tenggelamlogi??
Cucu : ... (goyang kepala) Tra tau juga tete...
Tete : Yo... kalo ko tra tau pelajaran Berenanglogi, nanti ko Tenggelamlogi trus ko Matilogi...

TETE YANG CERDAS


Ada cucu satu nie de bertanya sama de tete yang terkenal sangat cerdas.

cucu : tete sebutan utk mama yg sudah meninggal itu apa k?

Tete : Kalo utk mama itu dong bilang ALMARHUMAH, kalo utk bapa itu ALMARHUM,…

Cucu : " oh,... truz kalo buat tong anak" ni?
Tete : Aaaeeh,... kalo kam anak" itu dong bilang ALMUNIUM, nanti kalo tete deng nene baru dong sebut BESI TUA "



Disampaikan oleh Steve Patty Talizman

GOOGLE


Ada cucu satu ni dia pamer dia pu Laptop terbaru, baru didalamnya dia buka browser internet baru klik Google. Baru cucu jelaskan.

Cucu : "Tete... ini barang paling canggih"

Tete jawab dengan penasaran : "Ohh... iyo ka, dia pu canggih apa???"

Cucu : "Dia pu canggih tu, kalo tete mo cari sesuatu, tete pasi dapat, informasi apapun yang ada di dunia ini pasti katong tau...."

Tete : "BEHHH... bisa eee...!!!!!!!!!!!!"

Cucu : "Iyooo... sampe hal-hal yang sederhana dan sepele juga, tongk bisa tau..."

Tete : "Ohhh... kalo begitu, cucu ko coba cari tete pu gigi palsu yang kemarin tajatuh di taksi dulu"

Penyangkalan / Disclaimer : Dengan mengunjungi, membaca dan berkomentar di website ini (www.mob.papua.us), Anda telah setuju untuk menganggap semua kisah yang ditulis di website ini merupakan rekayasa tanpa sengaja yang bertujuan hanya untuk hiburan semata.