Showing posts with label LAUTAN. Show all posts
Showing posts with label LAUTAN. Show all posts

TETE KAKI PUTUS PUNYA SIAL


Ada tete satu, dia punya kaki dua-duanya putus...jadi satu hari begini dha pergi ke laut untuk buang dopis,.

Tapi nene bilang ke tete supaya tinggal di rumah saja, tolong nene pu pekerjaan tanam sayur dan buat kebun.

Tapi tete tra mau dengar, dia paksa diri naik perahu terus melaut...

Sampe tengah laut tete ko bakar dopis, bru mau buaNgk.

Tiba-tiba ada ombak besar sambar tete pu perahu. Jadii dopis yang tete peggang jatuh dalam perahu langsung meledak...

Tete lihat begini dia punya tangan dua-dua putus, tapi dia masih hidup....

Tra lama... perahu tenggelam karena bocor besar...

Jadi tete qho terpaksa berenang ke'darat...,

Su saMpe di pinggir pante bgini, krna tete trabisa jalan jadii tete ko merayap shmpe bawah pohon kelapa,...

Tete mau miNta tolongk orang supaya bawa tete ke rumah sakit, trlama kelapa tua jatuh keNa tete kepala, tete batariak begini kelapa tua jatuh lagi kena tete pu badan...

Langsung orang-orang kesitu pegangk tete baru bawa tete naek taxi ke'rumah sakiT,

Dalam perjLanan bgini jalan maceT bru tete napas su puTus=-putus..

Jadi dongk ksih pindah tete naek ojek...

Su dekaT rumh sakiT tete shu seNangk sdh,

PaS shampe bgini rumah sakit tutup bru tete qho baca kerTas yg doNgk tmpell

"untuk sementara rumah sakit tutup selama satu bulan"

MANCING TU TRA GAMPANG


ada tete 1, setiap de pulang mancing... de goreng ikan.. tapi de pu kucing tinggal makan trus.

tete emosi.. karna setiap mancing. de pulang goreng.. dan de blum makan, kucing su makan kas habis.

suatu hari tete su emosi..
de tangkap kucing yang suka curi tete pu ikan.

setelah tangkap kucing tersebut..  tete pi bawa sampe di tengah laut.

sampe di tengah laut, tete buang mancing.. trus tete ikat nelon pancing ikan di kucing pu tangan.

tra lama kemudian. ikan besar sambar umpan.. jadi.. kucing dgn ikan nih baku tarik.. sampe Kucing ini berteriak~berteriak.. karna de pu tangan sakit dapa ikat dgn nelon.. su begitu.. ikan besar tarik lg.

melihat demikan.. langsung tete bilang sama kucing...
" tobat to..! skarang ko tau.. mancing itu tra gampang !!!

TUHAN BIKIN BERAT PERAHU


da 3 orang sahabat.

hamid beragama muslim..
obet beragama kristen..
yaklep tra punya agama.. de tra percaya TUHAN.

suatu hari.. dong naik perahu pigi mancing.
tapi pas di tengah laut... ombak.. badai.. gelombang hantam dong pu perahu kecil tuh sampe su kemasukan air..

dong smua panik.. takut tenggelam..

hamit yg beragama muslim mulai berdoa..
" Ya Allah.. datanglah.. selamatkan hambaMu ini Ya ALLah.

obet yg beragama Kristen lagi berdoa..
" ya TUhan ... datanglah... selamatkan nyawaku ya TUhan..

yaklep yg kebetulan tra percaya dgn TUhan.. langsung yakklep bilang...
" ehhh.. kurang ajar kam 2. kam 2 gila ka? kitong pu perahu mau tenggelam begini.. baru kam panggil kam pu Tuhan dua orang untuk datang tambah bikin berat dalam perahu sj !!

haha

BIAR MATI YANG PENTING MENANG


Di depan pante dok dua ada tiga pace yang lagi duduk diatas perahu, dong tiga mo baku lomba molo baru tahan napas dalam air.

Pace yang pertama, de molo 10 menit saja de su naik.

Pace yang ke 2, dia molo 20 menit, langsung de naik.

Pace yang ketiga de molo....

Dong tunggu sampe su 2 jam, tapi pace ni tra naik-naik juga.

Pas dong dua cek begini, laki-laki de su mati dalam air baru dong beca tulisan di pace pu tangan : "Biar mati yang penting menang"

TETE DAN PACE DI 25 METER DALAM LAUT


Tete satu de ada pergi molo untuk cek terumbu karang.

Tete de molo di kedalaman 8 meter.

Begini de liat ada pace satu disebelah, tapi pace ini tra pake alat selam.

Tete molo lagi di kedalaman 15 meter, pace tadi ikut tete lagi.

Begini tete tamba molo lgi 25 meter. Eh tete kaget tarabae, karna Pace tadi ikut dia lagi turun.

Begini Tete de menyelam dekati Pace baru tete tulis di white board yang tete bawa.

Tete tulis : "Pace ko andalan, ko top skali, molo sampe 25 meter tanpa alat selam tuuu??"

Trus Pace balas tulis : "Tete goblok ee,,TOP TOP apa..?? Sa ada tengelam ni."
Penyangkalan / Disclaimer : Dengan mengunjungi, membaca dan berkomentar di website ini (www.mob.papua.us), Anda telah setuju untuk menganggap semua kisah yang ditulis di website ini merupakan rekayasa tanpa sengaja yang bertujuan hanya untuk hiburan semata.