PANTUL KE MANGGA

Satu kali begini Tete lagi duduk-duduk sante di para-para di bawah pohon mangga.

Baru de pu cucu Tinus ni ada diatas pohon mo lempar mangga.

Jadi tete bilang : "Tiinus ko jang lempar mangga, nanti kena tete"

Trus Tinus jawab: "Ahh, tapi sa mo lempar mangga moo"

Tete de ganas baru de jawab : "Iyo jangan....nanti ko lempar mangga tapi nanti batu de pantiul kena tete......!!!"

Tinus de dalam hati su ganas ka ini, jadi de bilang dlm hati : "Epenka su tua saja mo."

Tralama Tinus de angkat : "Kalo begitu sa lempar Tete saja sudah.....supaya batu pantul kena mangga".

Dengar begitu, Tete langsung bangun baru kejar Tinus deng parang.

TALI KUNING YANG WARNA MERAH

Suatu hari Tete dan Cucu ada kerjakan tempat tali jemuran.

Waktu mau ikat tali, Tete lupa bawa tali, jadi dia suruh dia punya cucu.

Tete : "Cucu ko tolong pergi masuk ke rumah ambil tali kuning"

Tete ko tunggu sambil ada paku palang jemuran, selang berapa menit cucu bale trus tanya de pu tete.

Cucu : "Tete tali kuning, WARNA?"

Karena Tete su cape dan tambah emosi jadi Tete jawab : "Kimanyang nihh.....TALI KUNING YANG WARNA MERAH TUU"

TETE PU JARI KELINGKING SAJA

Satu kali begini Cucu de crita buat de pu Tete.

Cucu : “Tete! tadi ada orang jatuh dari gedung tingkat dua. masa de bisa selamat tu..?”.

Tete: “Ado cucu, jang udik ka... Tete juga pernah jatuh dari gedung tingkat enam. Cuma jari kelingking saja yg tasala!”.

Cucu heran, “Ah tete, berarti tete juga jago eee?”.

Dan Nene sambung dari belakang : “Iyo cucu, memang tete pu jari kelingking saja yg tasala… tapi yang lain semua patah!!!”.

JUMLAH LOMPATAN KODOK

Obed ni anak SD kelas 5. Dia baru pulang sekolah, sampe di rumah de liat de pu tete lg asik baca koran. Obed langsung kasi pertanyaan.

Obed : "Tete, sa ada pertanyaan nih, Tete jawab ee??"

Tete : "Yoo tanya sudah.."

Obed : "Kan ada kodok, de maw menyebrang kolam yang lebarnya 3 meter. Kalo kodok ini sekali lompat tuh bisa 1 meter jauhnya, berati berapa kali kodok harus lompat ke seberang kolam."

Tete : "Obed ko kira tete ni su tua jd bodok k??..jawabannya pasti 3 kali lompat to.."

Obed : "Yee..., tete salah! jawabannya cuma satu kali lompat to."

Tete protes : "Masa bisa?? Kan lebar kolam 3 meter."

Obed : "Ya bisalah.. satu kali lompat, kodok masuk dalam kolam trus tinggal berenang,, sampe deh di seberang kolam.."

Tete : "Cucu kurang ajar, ko mo tipu-tete tete ee..."

Obed langsung kaburr....

DOA CUCU UNTUK TETE BELANDA

Ada cucu satu dia dari Papua datang ke Belanda mo lihat dia pu opa yang ada sakit keras.

Sampe di sana, opa pesan : "cucu.. kalo opa mati opa mau cucu yang berdoa buat opa, tapi pake bahasa Belanda."

Tidak lama begini, opa meninggal.

Trus di pemakaman orang-orang suruh cucu yg berdoa sesuai dengan opa punya permintaan.

Tapi cucu ni tra bisa berdoa pake bahasa Belanda.

Tapi orang-orang smua su tutup mata dan tunggu cucu angkat suara.

Liat begitu, cucu langsung berdoa dengan logat Belanda : "EIK CANGKUL AND DE SKOPEN...EN YEI OPA KERKOF STAND BY VOOR CACING VERMAK OPA YEI.."