MAKAN BURUNG GARUDA

Ada pace komen satu ini, de naik bis maya sari di Jakarta.

Sekarang kernet ko mulai tagih ongkos bis. Kernet de su tagih sampe dapat ini pace, karena de takut jadi de alasan ajak bicara pace komen.

Kernet : "Permisi mas, mas orang papua ya?"

Pace : "iya!!"

Kernet : "Disana makan burung cendrawasih ya?"

Pace : "iya!!"

Kernet : "Burung kasuari juga ya?"

Pace : "Iya!!" (dalam hati pace emosi)

Kernet : "Kalo burung garuda, mas makan ndak?"

Pace : "Kalo pemerintah ijinkan, sa lapis satu kali deng ko..."

KERASAN

Jadi sekarang ceritanya pace Obed lagi kuliah di Jawa.

Jadi suatu hari bgini pace ko bangun pagi trus pace ko mo pergi beli rokok di warung depan dia punya kos-kosan.

Trus mas yang jaga warung da Tanya ke obed.

Mas Warung : “Mas.., Mas Kerasan ya disini??”

Mas maksudnya, tanya pace su betah atau tidak tinggal disni. Tapi pace ko mengerti lain, pace kira mas mo tantang dia bakalai.

Jadi langsung pace obed ko tanam muka, sambil kasi bunyi-bunyi dia pu jari-jari trus bikin gerakan buka  kancing-kancing baju.

Obed :  “Ah…Kalo kam kraaassss,,Sa juga kraaasss”.

SEREM VS SIRAM

Perem Jawa nama Sri dengan pace napi nama Ramses dong dua lagi pacaran.

Dong dua malam-malam jalan di pinggir pantai.

Trus Sri bilang sama Ramses.

Sri : "Mas, di sini tempatnya 'SEREM' banget yaa!!!"

Ramses dia salah dengar jadi dia bilang.

Ramses : ”Io tempat ni pake "SIRAM" bole”

Napi pu pikiran tempat itu pake jadi tempat "SIRAM" miras jadi.