OMI MENGAKU HAMIL

Pagi2 ada anak Remaja 1 de curhat sama de pu Mama...

Omi : Mama..kyakx Omi hamil deh..!!

Mama : Apa...?? Ko stop bicara sembarang2 sdh...Ko mungkin masih mengantuk ka apa..ko masuk tidur lagi sdh...

Sambil bikin muka Manja Omi de bilang lagi sama de pu Mama..

Omi : Ma...sa berapa hari ini sering Mual2...

Mama : Ah..itu mungkin krn ko masuk angin ka apa...ni ko pergi beli minyak angin trus gosok ko pu perut..paling sbentar siang ko su rasa enak...

Omi : Tapi Ma...akhir2 ini sa maux makan yg asam2 Ma...

Mama : Itu mungkin sariawan...Makanya jang terlalu rakus klo makan...

Sambil merengek Omi bilang sama de pu Mama..

Omi : Tapi Ma..Kyakx sa Hamil betulan..krn td sa muntah2 dikamar mandi...

Sambil tarik Nafas dalam2 Omi Mama bilang sama dia...

Mama : Eh..DOMINGGUS Bangsat...Banci tuh tra bisa Hamil...Ko angkat makanan Babi nih pi ksi Makan Babi2 dikandang sana cepat..Daripada ko pu kepala Bunyi deng Blanga2 didapur nih...Kaskado Bakar seh...

PACARAN DENGAN SARI

Ada seorang mama yang tinggal di pinggiran kampung bersama de pu anak laki-laki umur 30 tahun bernama Yakobus. Karna Mama ini lihat de pu anak laki-laki su berumur 30 tahun tapi belum kawin apalagi pu pacar jadi mace langsung tanya :

MAMA : eh....Yakobus, ko tinggal selama ini sampe su umur 30 tahun begini ko tra pernah cari pacar supaya ko bisa kawin kah ?

YAKOBUS : ah...mama, sebenarnya sa pu pacar su ada dari dulu tapi sa tra mo kastau mama dulu !

MAMA : iyo kah ? Ko pu pacar nama siapa baru de tinggal di mana ?

YAKOBUS : Sa punya pacar itu de pu nama SARI tinggal di kampung sebelah !

MAMA : Oh...mama tau. berarti Sari itu de pu bapa yang namanya Iskandar to ?

YAKOBUS : ah...mama, bukan sari yang bapa Iskandar pu anak itu !

MAMA : bah...semua orang di kampung sebelah itu mama kenal semua. Cuma ada satu nama sari di kampung itu. Baru yang ko maksud itu Sari yang mana ? coba ko sebut de pu nama lengkap, pasti mama kenal !

YAKOBUS : adooo...begini, sa kastau tapi mama jangan marah e...?

MAMA : iyo...ko kastau cepat sudah, ko jangan bikin mama penasaran begini !

YAKOBUS : Sa pu pacar de pu nama lengkap itu SARIFUDIN anaknya bapa Jamaludin !

MAMA : Astagaaaaa...Yakobus ko su gila kah ? Masa ko pacar dengan manusia stengah kopleng itu (BENCONG)

SEPNA HAMIL

Satu remaja ni dia pu nama SEPNA, dia lagi mengadu sapa dia pu mama, tentang dia pu kehamilan..

Sepna : "Maaaaa... sa mo bilang sesuatu... tapi mama jangan marah sa e??!"

Mama : "Yo' kas tau sudah, ko mo bilang apa kaaa?"

Kemudian Sepna peluk dia pu mama sambil dengan nada pelan dan takut-takut, dia atur dia pu kata-kata,

Sepna : "Ma, sepertinya, Sepna hamil ma.."

Mama : "Apaaaaa!!!... ko bilang apa?, ko stop bicara sudah..."

Sepna : "Sepna minta maaf ma.... mama ko jang marah kaaa?"

Dia pu mama diam sebentar, trus sambung lagi.

Mama : "Mungkin ko kecapean tu, ko pigi istirahat, tidur sudah... "

Sepna : "Tapi akhir-akhir ini Sepna, mual-mual terus maaa...???"

Mama : "Ahh... paling ko masuk angin kapa.. Ini mama kasi uang ko pake beli minyak kayu putih , ko gosok ko pu perut baru ko pi tidur sudah, besok pagi, pasti ko badan su enak..."

Sepna bukan tambah tenang, tapi dia malah menangis..

Sepna : "Ghiii... hi.. hiiii.. hiii.. hiks..., Maaa... Sepna tra masuk angin, sekarang ini Sepna bawaannya mo makan yang asam-asam terus, maaa..."

Mama : "Akkhhhh.... ko pu sariawan yang bikin ko begitu... makannya, jadi orang tu jang terlalu rakus."

Sepna : "MAAAA.... Tolong kah, Ma, kali ini Sepna tra tipu, mama kenapa tra pernah mo percaya Sepna kaaaa?????"

Mama : "SEPNAAAAAAAAAATT...  Ko STOP bicara sudah! OTAK MATI... BANCI tu trada RAHIM, jadi ko STOP menghayal!!!!!!!!!!,, Ko bicara satu kali lagi, blanga-blanga ini pica di ko pu kepala.... Tidur sana KASKADO."