Showing posts with label TEKNOLOGI. Show all posts
Showing posts with label TEKNOLOGI. Show all posts

MASALAH KODE ONLINE, JARINGAN DAN WARNET


Pace dengan mace dong punya Kode klo lagi ingin Berhubungan di rumah biar de pu anak2 tra curiga Tuh " ONLINE "

Pas pace de su tra tahan skali jadi de bilang de pu anak begini..

PACE : Ko pergi bilang Mama didapur Bapak Mo OL ..!!

Anak jalan ke dapur trus bilang sama dia pu mama..

Anak : Mama...Bapak bilang,Bapak de mo OL ...!!

MACE : Ko pergi Bilang Bapak... Jaringan lagi kurang bagus..

Anak jalan pergi bilang sama dia pu bapa..

Anak : Bapak..Mama bilang jaringan lagi kurang bagus...

PACE : Oh...Iyo sudah klo begitu...ko pergi bilang Mama...Bapak mo pergi OL diluar saja...

Anak pergi bilang langsung MACE Batariak dari dapur : Eh Kaskado Bakar...!!!!  Berani ko pergi OL diluar.... Sa buka Warnet dirumah sini hari ini juga...

HUBUNGAN PUTUS PACARAN DAN IPHONE


Mace : sayang..kitong PUTUS.. selamat tinggal sayang..

Pace : bah.. padahal sa mo kasih ko Iphone bru...

Mace : (sambil tertawa).. trada sayang sa cuma main-main saja...

Pace : sama sayang... sa juga cuma main.. main saja..

NENE BUKA WARNET DIDALAM


Nene dan tete donk 2 duduk jadi donk 2 ganti nama s*x jadi istilah lain.

 Jadi tete bilang nene nanti kalau z mau s*x dgn ko z blng mau internet e???,

jadi nene bilang iyo. Pas tete dgn d cucu duduk2 jd tete bilng sama cucu bgni.... ko pi bilang nene, tete mau internet....

 cucu ke sana blng nene, tete mau internet....

 trus nene bilng sama cucu, ko pi blng tete jaringan tidak baik jadi tra bisa internet....

 cucu kasih tau ke tete, baru tete bilang ke cucu bgni, “blng sama nene, kalo bgitu tete internet di luar saja sdh”......

 cucu pi blng sama nene, baru nene blng sama cucu,... cucu, ko bilang sama tete dia, berani tete internet di luar, nene akan buka WARNET di dalam.

PA KEPALA DISTRIK MEMANGGIL


Yonas jadi sekertaris desa, tapi dia punya rumahnya jauh dari kantor distrik.

Supaya komunikasi lancar, Kepala Distrik belikan HP buat Yonas.

Satu hari begini, pak Kadis telepon Yonas, Pas HP berdering Enos dia tidak jawab, tapi langsung lari ke rumahnya pak Kadis yang dia pu jarak 300 meter.

Pak Kadis dia tanya : "Enos , ko kenapa lari macam di kejar setan begitu? sa telepon, ko tra jawab, malah ko lari kesini. Sa beli HP itu buat apa..?"

Sambil hosa-hosa Yonas dia jawab : "Maaf..Pak Kades, sa lihat tulisan di layar HP ... "PAK KADIS MEMANGGIL"... makanya sa datang kesini.. coba kalo di HP ada tulisan "PAK KADES MENELPON" pasti sa jawab telepnnya"

Pak Kadis cuma geleng-geleng kepala.

BLACKBERRY ATO KALKULATOR


Om Petu nih dia lagi pacaran dengan cewe masih ABG, begini dong dua ada baku SMSan.

Om Petu : "Lagi buat apa sayang ???"

Cwe ABG : "l461 54nt41 4j4 n1h,0m l491 4p4??,"

Om Petu : "ngana tullis apa nih ???"

Cwe ABG : "0m..k1t4 54y4n9 5k4l1 p4 om..,"

Om Petu : "rusak ngana p ВВ ?!?"

Cwe ABG : "94k 3m4n9 k114p4..??"

Om Petu : "ngana pake blackberry ato kalkulator..???"
Penyangkalan / Disclaimer : Dengan mengunjungi, membaca dan berkomentar di website ini (www.mob.papua.us), Anda telah setuju untuk menganggap semua kisah yang ditulis di website ini merupakan rekayasa tanpa sengaja yang bertujuan hanya untuk hiburan semata.