Showing posts with label KRISTEN. Show all posts
Showing posts with label KRISTEN. Show all posts

KETUA KLASIS ADA DI KAMAR SEBELAH


Begini ada pace satu yang tiap hari miras deng main perem baru jarang sembayang di gereja de meninggal.

Di akhirat begini, pace dapa suru masuk neraka karna de pu dosa yang tatumpuk.

Masuk ke pintu gerbang neraka begini de liat banyak orang ada dapa siksa baru yang lain ada tunggu giliran sambil duduk-duduk.

Begini pace kaget karna pace ketemu dengan de pu gembala gereja.

Pace : "Bahhhh... pa pendeta di sini juga ka???"

Pendeta de cepat-cepat suru de diam baru bilang : "Stttt... ko jang bicara keras..., Ketua Klasis juga ada dikamar sebelah."

ALASAN LAIN KENAPA TUHAN YESUS BERJALAN DIATAS AIR


Satu kali pace Paniai satu de dapat kesempatan jalan-jalan ke Israel.

Jalan punya jalan begini pace de sampe di danau Galilea baru de lihat orang pake perahu putar2 di tengah danau.

Trus de tanya sama orang yang sewa perahu : "Bapa.... kalau putar-putar pake perahu de pu harga berapa ee ? (translate ke bahasa Papua).

Tukang perahu de jawab : "Bapa kalau pake perahu ni de pu harga 10 dollar (100 ribu) per jam"

Pace de dengar langsung de jawab : "Pu mahal saja...tong di danau paniai saja kalo sewa perahu tida sampe setengah harga per jam."

Trus tukang perahu de bilang : "Bah jang ko kasi sama disini dan di Papua sana. Di danau ini Tuhan Yesus de berjalan diatas air!!"

Pace de sumbu sekali baru de bilang sambil balik badan sama tukang perahu : "Eee...  ada harus Tuhan Yesus de jalan kaki diatas air, kam pu sewa perahu saja terlalu mahal sampeee. Kam terlalu sekali!"
Penyangkalan / Disclaimer : Dengan mengunjungi, membaca dan berkomentar di website ini (www.mob.papua.us), Anda telah setuju untuk menganggap semua kisah yang ditulis di website ini merupakan rekayasa tanpa sengaja yang bertujuan hanya untuk hiburan semata.