NENE, OJEK KAH?

Ada sebuah kapal terbakar dan tenggelam di lautan luas Pasifik. semua penumpang lompat ke laut untuk berenang. Termasuk satu nene.

Saat lagi tunggu datangnya pertolongan, satu ekor ikan hiu muncul dari kejauhan, ikan itu kelihatannya mo lewat di depan nene.

Nene ini takut sekali, ikan hiu ini berenang sampe lewat nene.

Jadi nenek su lega,.. Tapi tiba-tiba,, ikan paus itu mundur.

Nene pu rasa takut kembali datang..

Begini sampe depan nene, ikan hiu dia tanya : "Nene,, ojek kah.??"

---

Disampaikan oleh Agustinus Mahuze

TIDAK BOLEH MAKAN MAKANAN HANGUS

Pace komen dengan Turis de naik perahu di sungai di Amazon, Brazil.

Tra lama begini perahu bocor, jadi dong dua tenggelam.

Terus buaya datang, baru makan turis saja.

Liat begitu, pace komen de tanya buaya : "Kenapa ko makan turis saja"

Buaya jawab  : "Sa pu mama pesan, tra boleh makan makanan yang hangus kaya ko...nanti sa pu perut sakit.

Pace komen : "Aduh... sa bingung!!!"

SIAPA YANG PALING TUA?

Ada tiga ekor hewan, Teteruga, Kakatua dan Buaya lagi baku melawan rame, dong tiga pu masalah : siapa yang paling tua diantara dong tiga.

Teteruga : "Sa yang paling tua, karena saya disebut TETE"

Kakatua : "Sa yang paling tua, karena sa dipanggil KAKA"

Buaya : "Sa yang seharusnya paling tua karena saya dipanggi BU"

Tapi dong tra sadar kalo yang PALING TUA itu yang baca tulisan ini, karena dipanggil TUA BANGKA.. 

BINATANG LAGI JADI

Ada babi dengan kambing donk dua lagi jalan.

Baru dong ada liat anjing satu makan tai di sampah-sampah.

Jadi kambing bilang sama babi.

Kambing : "Babi ko liat, anjing tu masa de makan tai tu.. ihhhh kotor baru!!"

Babi langsung jawab :"aiiikhhhh.. mo bilang tp, su tau to binatang lagi jadi.."

BABI MAKAN WARUNG

Ada pace satu nih piara babi banyak sekali.

Satu hari bgini pace ko pi mabuk-mabuk sampe pagi baru pulang ke rumah.

Pulang dari acara mabuk pace ko langsung kipas tidur.

Karna pace ko blum kas makan babi-babi jadi babi-babi nih tinggal batariak-batariak dari kandang. Mace dengar jadi mace kasih bangun pace yang ada mo tidur itu.

Mace : "Woi, pace ko bangun tempo, babi-babi di kandang su lapar tuh!!"

Pace: "Ah, sa malas, ko tra liat sa ada enak-enak tidur k??"

Akhirnya mace ko pergi ke kandang.

Tapi karna babi nih tinggal ribut trus, jadi mace tinggal bolak-balik kas bangun pace dia.

Mace : "Bah, ko bangun tempo sudah, babi su trlalu ribut skali tuh!!!!"

Sambil tarik uang 50 ribu dari saku, pace bilang : "Ini, ada 50 ribu, ko pi bawa babi-babi dong makan di warung sana sudah!!!"