BICARA ORANG MATI

Ibu Guru Mince ni paleng keras. Anak-anak murid dorang takut skali.

Satu kali de ada ajar di klas 6 dan kasih pertanyaan ke anak-anak murid.

Ibu Mince : "Anak-anak, coba kam ceritakan sejarah tentang Soekarno, ada yang tau ka tidak???."

Booo anak-anak diam, tarada yang jawab sebab dong su takut skali.

Ibu Mince langsung tunjuk Yaklep : "Yaklep coba ko ceritakan sejarah tentang Soekarno".

Yaklep de kaget trabaik.

Yaklep ko pikir lama sampee, tralama de bilang : "Bu guru, mama bilang ke saya, sa tra boleh bicara tentang orang yang su mati."

Tweet