orang tertua di indonesia


satu kali begini, orang² dari MURI (Museum Rekor Indonesia) dong ada mo kasih penghargaan buat orang yg pu umur paling tua di indonesia.

jadi sudah, dong pi minta data penduduk indonesia dari pemerintah pusat. pas dong duduk cek² daftar begini, dong dapat pace 1 de pu umur su 120 tahun. dong bilang, dia ini sudah. pas cek de pu alamat begini, ternyata pace de ada di pedalaman papua. tra tunggu lama, besok pagi langsung dong merapat ke pace pu alamat.

sampe di depan pace pu rumah langsung dong ketuk pintu begini yang keluar neh pace tua bangkaa eee. . . langsung orang MURI bilang : "Siang bapa. . apa betul ini rumah nya Bapa Obet ka?" pace tua sambung : "iyo betul. . sa sudah nih Obet." langsung pace Obet de persilahkan dong masuk duduk di dalam.

singkat cerita, orang MURI dong jelaskan maksud dan tujuan dong ke pace Obet pu rumah, trus skalian dong minta ijin supaya pace Obet bisa ikut dong ke jakarta buat conferensi pers ka ini. .

MURI : "Jadi kalo bapa bersedia, mungkin bapa bisa ikut ke Jakarta buat acara pertemuan dengan wartawan"

Obet : "Ohh bisa saja. . . tapi sa harus minta ijin sama sa pu bapa dulu. .

orang MURI dong kaget tra bae punya. . . dalam hati dong pikir, orang setua ini de pu bapa masih hidup tuh. . . ?? jadi dong tanya :

MURI : "Mana bapa Obet pu bapa??"

Obet jawab : "itu di para2 sana ada duduk cabut² sa pu tete pu rambut putih sana tuh. ."

MURI : haa?? de pu tete masih hidup lagi? mar nyanda mungkiiiiiiinnn. . . .

=^_^=

Pace Mace, kalo su tertawa, silahkan tambah komentar karna belum ada orang yang komentar

Post a Comment

Penyangkalan / Disclaimer : Dengan mengunjungi, membaca dan berkomentar di website ini (www.mob.papua.us), Anda telah setuju untuk menganggap semua kisah yang ditulis di website ini merupakan rekayasa tanpa sengaja yang bertujuan hanya untuk hiburan semata.