Sopir Taxi Vs Nene


Z pu tetangga Mama Merry ‘n Bapa Otis Woisiri dong pu anak prem 2 Lesni deng Juferlin (Eni “n Upi), dong 2 mo ke pasar remu, naik taxi dari mata jalan Dokarim Perum Pertamina, taxi sampe depan apotik Kodim dong pu Nene naik, Nene duduk bangku blakang….kaca depan glap jadi Nene tra liat Eni ‘n Upi ada siku depan(dong 2 kasi naik kaca kandas jadi, bgemana Nene mo liat)…..Taxi jalan tapiiii…..Sopir d putar lagu niii….gila skali macam diskotik bajalan ka, spanjang perjalanan Nene tinggal marah trusss, bilang “Sopir ko kasi kecil lagu tu kaa….bikin tlinga tuli saja”,

Sopir ko malas tau….kasi kandas tu lagu trusss, Eni ‘n Upi lagi….dong 2 diam saja, su tau to anana muda ka ini, jadi klo dengar lagu yang pas tuuuu…..taaaahan!!!, co bgitu dong 2 bantu Nene marah Sopir tu ka, tarada lagi dong 2 snandung……Sopir tratau sopan tu lagi bale marah Nene, “Nene diam sudah, Nene pu tape ka…?”

Nene marah sampe, Nene su ganas pas taxi sampe pasar remu bgini, pnumpang smua turun dari taxi, Eni “n Upi dong 2 panakut Nene tau jadi turun plan2 dari depan, blum bayar uang taxi, Nene lagi turun dan Nene bikin jalan sudah tra bayar, Kondek d itung2 pnumpang yg turun tapiiii….?macam ada yg blum bayar ka, Kondek ko buang mata bgini…mmmhh dapat, ooo Nene d yang blum bayar ni, d bikin 100 ke arah Nene sudah mo, “Nene, Nene blum bayar to(Sopir d panto dari dalam taxi, tra jauh juga dari situ)…(Eni ‘n Upi masih bridiri situ)…Nene bah…bayar dulu…”

Nene d ganas baru Nene berdiri menghadap ke arah taxi tu pas Sopir ada manganga Nene deng 1 napas, Nene marah , manganga Sopir baru Nene bataria ke sana “eee???....ko pu uang ka…???.....

Penyangkalan / Disclaimer : Dengan mengunjungi, membaca dan berkomentar di website ini (www.mob.papua.us), Anda telah setuju untuk menganggap semua kisah yang ditulis di website ini merupakan rekayasa tanpa sengaja yang bertujuan hanya untuk hiburan semata.