MINUMAN ANTI NYAMUK

di pedalaman papua.. ada dua orang sekawan. obet deng yaklep.

suatu malam..obet deng yaklep tidur malam;malam. tapi nyamuk banyak skali.

obet su jengkel... jadi de semprot baygon di kamar.

trus dorang 2 lanjut tidur.

beberapa menit kemudian.. masih sama saja.. nyamuk tinggal gigit yaklep deng obet trus.

karna emosi.. yaklep bilang sama obet...
" obet.. bagaimana kalau kitong dua minum baygon saja.. supaya nyamuk tra bisa hisap tong dua pu darah.

obet bilang..
" ide bagus tuh...!!

akhirnya obet deng yaklep minum baygon trus dong 2 lanjut tidur..

sampe pagi.. trada yang bangun.. alias tidur terus.

udik to

BERENANGLOGI, TENGGELAMLOGI & MATILOGI

Ada tete sama de pu cucu. Cucu nih mahasiswa di Jawa. Satu kali de ada pulang ke kampung, jadi de ikut tete cari ikan...
Cucu : Tete... ko tau Biologi ka???
Tete : ... (cuma goyang kepala saja)
Cucu : Baru Sosiologi???
Tete : ... (cuma goyang kepala saja)
Cucu : Kalo Antropologi???
Tete : ... (cuma goyang kepala saja, tapi tete su mulai ganas ka)
Sampe tengah laut baru tete yang balik tanya de pu cucu...
Tete : Baru cucu ko tau pelajaran Berenanglogi ka???
Cucu : Tra tau tete...
Tete: Kalo tenggelamlogi??
Cucu : ... (goyang kepala) Tra tau juga tete...
Tete : Yo... kalo ko tra tau pelajaran Berenanglogi, nanti ko Tenggelamlogi trus ko Matilogi...

NARUTO ASAL BIAK

Napi tiga orang dong duduk kumpul di terminal Biak. Mansar Obet ko lewat depan dong tiga baru de tanya...
Obet : Mili... kam tiga liat Naruto ka???
Nap dong tiga kaget... dong bale tanya Obet... "Bah Naruto itu sapa???"
Obet : Naruto itu NApi RUmkorem TO...

IPAR KO SIRAM

Satu kali ada pace duduk siram dengan de pu anak laki-laki, dari sore sampe malam ka ini. Jadi dong dua su mabok berat.


Karena su kena miras jadi anak ko angkat kata : "Ipar ko siram.....!!!"


Pace su dengar tapi pace pikir orang lain yang de pu anak panggil... Anak ko panggil lagi dan pace ko marah


Pace : Eh anak!!! sa tu ko pu bapa bukan ko pu ipar!!!


Anak : Ah kan ko kawin deng sa pu mama to jadi sa panggil ko ipar...

NENE BUKA WARNET DIDALAM

Nene dan tete donk 2 duduk jadi donk 2 ganti nama s*x jadi istilah lain.

 Jadi tete bilang nene nanti kalau z mau s*x dgn ko z blng mau internet e???,

jadi nene bilang iyo. Pas tete dgn d cucu duduk2 jd tete bilng sama cucu bgni.... ko pi bilang nene, tete mau internet....

 cucu ke sana blng nene, tete mau internet....

 trus nene bilng sama cucu, ko pi blng tete jaringan tidak baik jadi tra bisa internet....

 cucu kasih tau ke tete, baru tete bilang ke cucu bgni, “blng sama nene, kalo bgitu tete internet di luar saja sdh”......

 cucu pi blng sama nene, baru nene blng sama cucu,... cucu, ko bilang sama tete dia, berani tete internet di luar, nene akan buka WARNET di dalam.

TETE IKUT JAMBORE

Sebelum meniggal Obet pu tete pesan sama Obet..

Tete : Cucu klo tete meninggal nanti kam kasi pake tete pu baju yang tete su siap itu e…??

Obet : baju apa itu…..tete….

Tete : baju PRAMUKA…..itu krna dulu masa sekolah Tete suka ikut kegiatan pramuka.

Beberapa hari kemudian Tete de meninggal. Jadi dong su kasi pake Tete pu pakaian Pramuka yang Tete pesan sama Obet. Ibadah pelepasan dirumah su selesai skrang ibadah pemakaman di kuburan.

Pas kasi turun peti kedalam liang kubur dan Obet deng de pu sodara2 keluarga semua dong menangis hancur skali jadi Papen kasi kata2 penghiburan...

Papen : Jangan tangisi dia (Tete) yang sudah pergi,tapi tangisilah dirimu sendiri, karena...

" TETE TIDAK PERGI KEMANA-MANA, TETE HANYA KEMPING DI SEKITAR SINI...TUK PERSIAPAN MENGIKUTI JAMBORE NASIONAL YANG AKAN DATANG..."

Haaaaee...# Dan sekeluarga Tepuk Pramuka melepas kepergian Tete...#

BAKU BALAS EBIET G'ADE

Ada pc 1 pake kain sarung tapi tra pake CD ru ddk d dpn rmh n' pc pung kain sarung terangkat,,,,

begini ada anak kcl lewat TELANJANG BULAT,,,

pc ni langsung nyanyi "KITA MESTI TELANJANG DAN BENAR2 BULAT,,,"

dgr pc nyanyi anak kcl langsung malu,,,,trus anak kcl itu bls nyanyi

"TENGGOKLAH KE BAWAH SEBELUM BICARA,,,,,,BERSIHKAN DEBU YANG MASIH MELEKAT,,,,,,,?

GARA-GARA KENA GETAH NANGKA

Tete de pergi Jual Nangka diPasar,pas Tete de lagi Asyik Belah2 Nangka...Ada Cewek dua orang yang datang mo beli Tete pu Nangka...

Tete duduk belah Nangka tapi karena Tete de pu celana Robek jadi de pu Kelereng satu tinggal diluar...

Cewek yang mo beli Nangka de lihat jadi de bilang sama Tete..

Cewek : Boh...Tete Biji satu Tagantung diluar tuh...!!

Tete kaget skali...Tete lihat kebawah begini,langsung Tete bilang sama Cewek itu....

Tete : Adohhh..Anak Bapa Minta Maaf eh...!!

Sambil Tete de Jolok biji tuh masuk Pake jari tanggan...Tapi Karena Tete pu tanggan su Full dengan Getah Nangka...

Begitu Tete tarik Tanggan keluar...

" TETE PU SATU PAKET YANG ADA DIDALAM DONG IKUT KELUAR SEMUA..."

Haaaaaeee...# Cewek de tra jadi Beli Nangka langsung...

KUCING DALAM KANGKUNG

Yaklep, tinus & 0bet.., dong 3 ada duduk santai2 d pematang sawah ka ini...,

Lalu yaklep buka suara..,

Yaklep : kawan di sakampung ni sayur kangkun besar2 sampe, baru de pu panjang rata2 2mter..,
Tinus dgr trus taramau kalah..,
Tinus : Bah kawan di sa kampung kangkung tu lbih besar kawan.., Tikus tanah saja bisa masuk d depu batang.., Cob kam 2 bayangkan...

Obet dgr bgitu ( dlm hati ) kam 2 tipu pace noge boleh.., lalu obet angkat bicara..,

Obet : weh kam 2 dengar.., di sa kampung sana, sayur kangkun tu lbih beesar dr kam 2 punya.., Tikus tanah sj tarabisa masuk...

Yaklep & Tinus : ae kawan, ko pu kankun kecil tu.., tikus sj trabisa masuk mo..,
Obet : bah iyo.., Tikus trabisa masuk abis ada KUCING dalam.. :>

TRUS YANG DIBAWAH??

Suatu hari Obed deng Mince bertengkaarr hebat.
Akhirnya Obed de angkat kaki dari rumah. Pas Obed baru sampe halaman rumah,Mince de berteriak ganas..

Mince: kalo ko pergi ini rumah bgmn??????

Obed : Ko ambil saja..!!

Mince: Trus de pu isi rumah???

Obed: Untuk ko saja..!!!

Mince : trus ini anak dong bgmn????

Obed : Ko urus sendiriiiii>>!!!

MINCE de kehilangan akal,,trus de angkat de pu rok,,baru de bilang : trus yg dibawah ini,,,????

Sambil bikin Muka seiuss Obet de bilang : TuUnggu, sa cuma mau pi beli rokok didepan, nanti sa kembali..