Ada bapa da berak kamar mandi baru tete bka pintu bapa marah bapa bilang AKKHH SA PU TETE Sumarah
Disampaikan oleh nofal
Home » All posts
Ada bapa da berak kamar mandi baru tete bka pintu bapa marah bapa bilang AKKHH SA PU TETE Sumarah
Disampaikan oleh nofal
Ini kan ada bapa da ke pigi ke bank baru ada pak satpam da bilang,paksatpam:bapa ko mau tiket ke jayapura.baru bapa jawab,bapa:iyo kasih cepat,pak satpam:ini besok ko tukar di bank sini. Baru besok bapa da pigi ke bank bapa tukar voucher to baru ternyata da dapat tipu baru Da marah. Baru da pukul satpam tapi satpam bilang. Satpam:enak to dapat tipu kalo pulang ko liat celana e... Jangan sampe konak jatuh
Disampaikan oleh nofal
Ada pace ganteng satu nama Yudas, biasa mejeng-mejeng di lapangan parkir PCT Entrop begini dia ada kenalan dengan cewe satu nama Tince.
Setelah kenalan, Pace Yudas ni biasa ajak Tince jalan-jalan dengan dia pu motor Kawasaki hijo, antar pulang pergi dari kost ke kampus setiap hari.
Satu kali begini, pas malam minggu Yudas bilang sama Tince.
Yudas : "Ade Tince... kalo ko mau untuk tonk dua pu hubungan tetap berjalan dan tidak sampe di sini, besok ko pergi ibadah di gereja, doakan tonk dua pu hubungan eh..!?!"
Besoknya, Tince ke gereja, dia duduk dibangku paling depan dengan muka berseri-seri.
Begini hari itu bapa pendeta ada khotbah tentang dosa penghianatan.
Pendeta : "Jemaat sekalian jangan ada yang seperti Yudas, Yudas itu penghianat dan pengecut, dia telah tega menjual Tuhan Yesus akibat rayuan duniawi..."
Karna Tince ni masih terngiang-ngiang dengan ketampanan Yudas, cowo yang satu minggu ini sama-sama dengan dia, jadi dia rasa tersinggung.
Tiba-tiba dia berdiri, baru bilang ke pendeta dengan nada tinggi : "ADUUHHH TIDAK EE...!!! YUDAS YANG PANGARUH KHAAAAAAAA!!!!!! "
Jemaat dong hening....
Disampaikan oleh Kombrof
Pas lagi syukuran keluarga karna Pace Marten ada naik jabatan jadi kepala dinas, jadi tetangga dengan beberapa undangan hadiri acara itu.
Begini dia pu anak Roger yang umur lima tahun ini dapa tunjuk untuk berdoa, untuk doa makan sama bapa pendeta yang pimpin ibadah. Masalahnya Roger pamalu baru tra tau cara berdoa, tapi karna dia pu bapa biasa bilang, kalo su dapa tunjuk harus maju, jadi dia maju dengan perasaan terpaksa.
Pace Marthen bisik dia pu anak : "Roger... berdoa untuk keluarga, teman-teman, tetangga deng orang-orang miskin yang butuh bantuan eee...!!!"
Roger dia angguk kepala baru tutup mata.
Roger : "Tuhan... terima kasih karena orang-orang yang datang dengan dong pu anak-anak su kasih habis sa pu kue-kue deng es krim. Berkati dorang supaya dong tra datang lagi. Ampuni kaka Bobi yang su buka kaka Marta pu baju, baru berkelahi di atas tempat tidur..."
Undangan dong su batuk-batuk...
Roger dia lanjut lagi : "Tuhan... Sebentar lagi mo dekat Natal, tolong Tuhan berikan baju kepada perempuan-perempuan miskin yang tra punya baju di bapa pu hape blekberri itu, terus berikan rumah kepada om pengemis yang biasa pake mama pu kamar tidur pas papa ada dinas keluar kota... AMIN!"
Disampaikan oleh Kombrof
Ada mace satu dia ada kunjungi dia pu anak Olof yang lagi kuliah di Jakarta, pas sampe di kost di Jakarta dia pu mace kaget, ternyata Olof tinggal satu rumah dengan satu cewe dari dari Jawa. Sedangkan di rumah kost itu besar dan miliki dua kamar yang terpisah.
Pas dong ada makan siang, dia pu mama lihat kalo dia pu anak ini terlalu dekat dengan cewe ini.
Pas cewe itu ada ke belakan cuci piring, dia pu mama bilang : "Olof... ko ini, bapa deng mama kirim ko ke Jakarta ini untuk kuliah, bukan untuk cari perempuan, kalo ko kaya begini lebih baik ko pulang sudah!"
Olof yang penurut sama dia pu mama ni jawab : "Ahh mama.. sa tra pacaran deng dia, kitong dua tu cuma berteman saja, dia ni lagi bantu saya selesaikan saya pu tugas kuliah untuk satu minggu ini.. jadi dia tidur di kamar sebelah, sa juga tra tidur dengan dia apa lagi mo bikin yang aneh-aneh..."
Dia pu mama balas : "Kalo ko ketahuan.... ko liat saja e...!!"
Olof cuma senyum-senyum asam...
Begini satu minggu kemudian pas mace su pulang ke Jayapura, mace dapa sms dari Olof.
Olof sms bilang : "Mama sayang, sa bukan tuduh mama, tapi sa pu teman cewe bilang kalo dia pu sendok perak yang dia bawa ke kost hilang, sedangkan terakhir sendok itu dapa pake pas ada makan siang deng mama."
De mama balas : "Anak baik yang mama sayang, mama juga tra tuduh ko tidur dengan dia, tapi kalo satu minggu kemarin dia TIDUR di DIA PU TEMPAT TIDUR pasti dia tau kalo sendok itu mama ada taruh di balik bantal... jadi ko pulang ke Jayapura sudah e...!!!"
Disampaikan oleh Kombrof
Satu kali Tete Yaklep baku sms deng nene satu yang baru-baru saja pake hp.
Dong dua baku sms asik sampeee, pulsa mo habis.
Jadi Tete Yaklep sms bilang : "Nanti kalo ko sms sa sampe sa tra balas itu berarti sa pu pulsa habis ee.."
Trus nene balas karna nene juga tra mengerti : "Sayang pulsa itu apa kah?"
Baru Tete Yaklep balas : "Sayang ko jang bodok kah... pulsa itu nokia to?"
Disampaikan oleh Kombrof
Pace Olof deng de pu pacar dong su pacaran lama.
Tapi gara-gara Pace olof selingkuh, perem ko minum baygon sampe meninggal.
Dengar begitu Pace Olof ko tiba di rumah duka langsung bongkar menangis besar.
Pace Olof : "Ado… Sayang, sa ni masih sayang ko, kenapa ko pergi cepat skali.Sa menyesal ko pergi karna minum baygon, memang ko nyamuk kah?"
Disampaikan oleh Kombrof
(C) 2013 Semua Tulisan Ini Dilindungi oleh Undang-Undang Dasar 1945. Papuamob didesain oleh Batlax.com