ADE PU RASA MACAM IKAN KUAH

Yakob deng Mince dong dua lagi pacaran

Yakob ini sayang2 tince, trus mo cium.

Tapi karna terlalu asyik jdi yakop ko lidah tra mendarat di bibir tapi dia langsung jilat Mince pu mata.

Mince kaget stengah mati baru de bilang : “ihh, Kk ko bikin sa macam bagimana nih??”

Trus Yakob de Jawab: ” adohh tince sory e abis ko pu rasa nih macam ikan kuah jadi”

HUBUNGAN PUTUS PACARAN DAN IPHONE

Mace : sayang..kitong PUTUS.. selamat tinggal sayang..

Pace : bah.. padahal sa mo kasih ko Iphone bru...

Mace : (sambil tertawa).. trada sayang sa cuma main-main saja...

Pace : sama sayang... sa juga cuma main.. main saja..

GARA-GARA CIUMAN PENUH KARUNIA

Mina bilang ke Joni : "Sayang, sa pu gigi ni sakit..."

Langsung joni tanya : "Mana?"

Setelah periksa sebentar Joni cium de mina pu pipi pas tempat gigi yang sakit..

Joni : "Bagaimana? Masih sakitkah, Sayang?"

Mina: "Su tra sakit malahan su sembuh, Tapi sekarang sa pu leher yang sakit."

Trus Joni cium Mina pu leher lagi...

Joni: "Su sembuh to?"

Mina: "Sayang, ko hebat smpe.. sa pu leher sakit jadi sembuh

Dorang dua tidak sadar kalo mina pu nenek ada perhatikan dari tadi.."

Tiba-tibe nene bilang, "Cucu, ko dapat karunia kapa, ko hebat sampe..."

Joni : "Ah itu biasa saja nene, sa sebenarnya punya ciuman karunia yang bisa sembukan berbagai penyakit."

Nene: "Oh, iyo kah? Kalo begitu ko bisa bantu kasi smbuh nenek pu AMBEYEN ka.."

PACARAN DENGAN SARI

Ada seorang mama yang tinggal di pinggiran kampung bersama de pu anak laki-laki umur 30 tahun bernama Yakobus. Karna Mama ini lihat de pu anak laki-laki su berumur 30 tahun tapi belum kawin apalagi pu pacar jadi mace langsung tanya :

MAMA : eh....Yakobus, ko tinggal selama ini sampe su umur 30 tahun begini ko tra pernah cari pacar supaya ko bisa kawin kah ?

YAKOBUS : ah...mama, sebenarnya sa pu pacar su ada dari dulu tapi sa tra mo kastau mama dulu !

MAMA : iyo kah ? Ko pu pacar nama siapa baru de tinggal di mana ?

YAKOBUS : Sa punya pacar itu de pu nama SARI tinggal di kampung sebelah !

MAMA : Oh...mama tau. berarti Sari itu de pu bapa yang namanya Iskandar to ?

YAKOBUS : ah...mama, bukan sari yang bapa Iskandar pu anak itu !

MAMA : bah...semua orang di kampung sebelah itu mama kenal semua. Cuma ada satu nama sari di kampung itu. Baru yang ko maksud itu Sari yang mana ? coba ko sebut de pu nama lengkap, pasti mama kenal !

YAKOBUS : adooo...begini, sa kastau tapi mama jangan marah e...?

MAMA : iyo...ko kastau cepat sudah, ko jangan bikin mama penasaran begini !

YAKOBUS : Sa pu pacar de pu nama lengkap itu SARIFUDIN anaknya bapa Jamaludin !

MAMA : Astagaaaaa...Yakobus ko su gila kah ? Masa ko pacar dengan manusia stengah kopleng itu (BENCONG)

TETE DAN NENE PACARAN DEKAT TAI AYAM

ada tete dan nene yang lagi asik pacaran ..

pas nene ada geser2 di bangku taman begini nene pegang tai ayam..

nene langsung lapor ke tete..

baru tete bilang : anak kecil siapa yang berak tai ayam, seh!!!

GAJAH DAN SEMUT DI KEBUN BINATANG

Menceritakan tentang  sepasang hewan yang berbeda ukuran berpacaran. Dan sang semut diminta pertanggungjwaban ketika si gajah hamil.

KALO NENE JADI EMAS

Ada tete satu ni, dia sedang rayu nene.

Tete: "Sayang, andai ko jadi bulan sa jadi bintangnya, andai ko jadi gunung, sa jadi lembahnya."

Begini nene de tanya tete : "Tete, kalo sa jad emas, ko jadi apanya?"

Tete dia jawab : "Kalo ko jadi emas.........., sa jual saja too,...."

SMS ROMANTIS SALAH WAKTU

Malam hari ni, ada pace satu kirim SMS ke de pacar.

Pace : “Sayang, kalau kau tidur kirim aku mimpimu….”
       “Kalau kau menangis kirimi aku air matamu….”
       “Kalau kau bahagia kirimi aku tawamu…”

Tralama pace dapat SMS balasan…

Mace : “Sayang, sekarang sa lagi BAB (buang air besar) Ko mau minta dikirimi apanya…????"

SURAT CINTA UNTUK MINGAS

Demianus de ada tulis surat cinta buat cewe satu, begini bunyi suratnya:

Kpd YTH MINGAS tayang 
  di villa penantian

Aku kenal kamu diacara bakar batu, hatiku gelisah macam babi kena yerat, sa cuap ko, ko yuga cuap sa, macam lagu cuap-cuap.

Tapi ko puna bapa tu yahat tekali, macam Tuan Takur, bikin sa pu love cama ko bagaikan menderita dibawah pemerintahan Pontius Pilatus.

Yika kita beryumpa, sa mau kita bersinta seperti babi mandi dikolam pecek Pasar Wosi.

Demikian surat ini, akhir kata 'NO SMOKING' yang artinya KAKA CINTA KO TEKALI.


t.t.d. Kaka Kanten Demix

KO PIKIR KO SENTER

Satu kale begini pace Obet dah dapat kase putus sama da pu maitua, padahal pace ko su cinta mati skali.

De stress setengah mati. Padahal da su bagaya sama da pu teman-teman semua kalo da mo kawin deng mace itu.

Akhirnya Obet ko putuskan untuk bunuh diri.

Pace da ambil baterei pu isi yang itam baru da makan akang. Pace ko step dan mati langsung.

Besoknya da pu bapa datang ke Obet pu kuburan baru menangis takaruan adat.

Sambil menangis da batariak : "OBET..OBET.., HIKS. HIKS... SA TAU PUTUS CINTA MEMANG BRAT..TAPI KENAPA..? KENAPA ? KENAPA KO MAKAN BATEREI ? KO PIKIR KO SENTER KA ????"

SURAT PUTUS CINTA BAHASA INGGRIS

Ada mace satu ni de mo kirim surat putus hubungan sama de pu pacar di Amrik, tp mace ni de pu bahasa inggris putus-putus jadi, de tulis surat dgn bahasa inggris hancur punya.

Dengan mata kaca-kaca de tulis surat sambil liat kata-kata di kamus tebal.


Hi Jack, with this letter I want to say

(Hai Yakobus, bersama surat ini saya ingin bilang)


I WANT TO CUT CONNECTION US

(Saya ingin memutuskan hubungan kita)


I have think this cook-cook

(Saya telah memikirkan hal ini masak masak)


I know my love only clap half hand

(Saya tahu cinta saya hanya bertepuk sebelah tangan)


My friend say, you walking-walking with other women

(teman temanku bilang kamu jalan-jalan dengan wanita lain)


You correct-correct a man crocodile land

(Kamu benar-benar seorang lelaki buaya darat)


My friend speak you play fire

(Teman saya bilang kamu bermain api)


Now I know you correct-correct play fire

(Sekarang saya tahu kamu benar-benar bermain api)


I don't want you play-play with my liver

(Saya tidak ingin kamu main-main dengan hati saya)


I have crying night-night until no eye water again because thinking about you body

(Saya menangis bermalam-malam sampai tidak ada lagi airmata karena memikirkan dirimu)


I don't want to sick my liver for two this river

(Saya tidak mau sakit hati untuk kedua kalinya)


This river I forgive you, next river I kill you,,,!

(Kali ini aku maafkan kamu, kali lain aku bunuh kamu !)


goodbye, Jack

(Selamat tinggal, Yakobus)


Girl friend of your liver,,,

(Kekasih hatimu,,,)


Mace pintar skali...

TETE PU GETARAN-GETARAN CINTA

Mo mengenang masa lalu, jadi tete ajak nene pacaran..

Dong dua duduk di kursi sofa baru begini tete minta cium, tapi nene tra maw.

Tete tinggal paksa-paksa trus.

Tete pu kata : "Booo.. nene,  sa cium satu kali kha??"

Nene bilang : "Tete.. ko stop gombal suda.."

Tiba-tiba ada gempa, langsung nene polo tete sambil gementar..

Nene bilang tete : "Sa takut oooo.."

Tete cium nene pu testa sambil bilang nene : "Ko tenang... itu yg namanya GETARAN-GETARAN CINTA...!!!"

MELAMAR ATAU KASIH LAPORAN CUACA

Yakob lamar kekasihnya Mina dengan kata-kata mutiara:

"Sayang tanpa kau, segalanya gelap gulita dan suram, angin melambaikan hujan, lalu munculah mentari, kau seperti pelangi dan mentari yang hangat untuk saya..."

Mina balas: "Yakob sebenarnya kau lamar saya atau kasih laporan cuaca...???"