Showing posts with label NENE DAN CUCU. Show all posts
Showing posts with label NENE DAN CUCU. Show all posts

GARA-GARA CIUMAN PENUH KARUNIA


Mina bilang ke Joni : "Sayang, sa pu gigi ni sakit..."

Langsung joni tanya : "Mana?"

Setelah periksa sebentar Joni cium de mina pu pipi pas tempat gigi yang sakit..

Joni : "Bagaimana? Masih sakitkah, Sayang?"

Mina: "Su tra sakit malahan su sembuh, Tapi sekarang sa pu leher yang sakit."

Trus Joni cium Mina pu leher lagi...

Joni: "Su sembuh to?"

Mina: "Sayang, ko hebat smpe.. sa pu leher sakit jadi sembuh

Dorang dua tidak sadar kalo mina pu nenek ada perhatikan dari tadi.."

Tiba-tibe nene bilang, "Cucu, ko dapat karunia kapa, ko hebat sampe..."

Joni : "Ah itu biasa saja nene, sa sebenarnya punya ciuman karunia yang bisa sembukan berbagai penyakit."

Nene: "Oh, iyo kah? Kalo begitu ko bisa bantu kasi smbuh nenek pu AMBEYEN ka.."

KURANG CAMPURAN


Suatu hari ada satu cucu tanya sama de pu nene.

Cucu : "Nene,  Manusia tu diciptakan dari apa ..ee ?"

Nene : "Dari tanah liat toh...!!!"

Cucu : "Trus kenapa ada yang buta.. pincang.. tuli.. deng bisu!!??"

Nenek : " Oh...kalo yang itu mungkin kurang campuran kapa..."

DASAR FREEPORT


Nene ada jaga de pu cucu-cucu di rumah, Tapi, cucu dong pu nakal saja, su baribut, main kiri-kanan, lompat kesana-kemari.

Nene : "Heh!!! Kam nih, bicara pake bahasa apa yang baru kam bisa dengar!!! Bicara pake bahasa kampung, tra dengar!!! Bicara pake bahasa Indonesia juga kam pu telinga tebal!! Tra lama nene marah pake bahasa Inggris baru kam tau!"

Cucu satu angkat: "Coba nene marah pake bahasa Inggris tong mo dengar"

Nene angkat: "Ok....!! Dasar kam Freeporttttt nihh!!!"

NENE UPDATE STATUS


Suatu hari ada anak kecil lari-lari sambil menangis, da dari rumah sakit, dan mau bilang sesuatu sama de pu nene.

Cucu : "Nene nene, tete su meninggal!!"

Nene : "Ah, iyo ka? sini nene mo pinjam hape dulu.."

Cucu : "Untuk apa?"

Nene : "Sa mau buka facebook dulu, mo update status dari 'menikah' menjadi 'lajang'..."

Cucu :"(dalam hati) adoh nene ini tete meninggal bukannya sedih tapi update status lag!!"

NENE AWET MUDA DENGAN CHARM


CUCU : "Nene, itu apa di muka tuh ?"

NENE : "Ini pembalut merk charm"

CUCU : ”Bah kenapa nene ko taru pembalut di muka?”

NENE : “Supaya kasi hilang kerut, supaya nene awet muda kaya Titi Puspa”.

CUCU : “Bah nene ko bodok sampe”

NENE : “ko yang bodok, tra pernah liat iklan di TV ka ?”

TRUS NENE NYANYI: “anti kerut anti bocor charm body fit, chaaaaarm”
Penyangkalan / Disclaimer : Dengan mengunjungi, membaca dan berkomentar di website ini (www.mob.papua.us), Anda telah setuju untuk menganggap semua kisah yang ditulis di website ini merupakan rekayasa tanpa sengaja yang bertujuan hanya untuk hiburan semata.