MACE GAUL LOGAT YOKSNA

Ada mace dua nama Mery dan Lince. donk jalan-jalan di Mall Plaza Semanggi. Banyak orang jadi dong dua tindis logat Jakarta hancur.

Mery de curhat tentang de pu pacar Ateng..

Mery : “Lin, aku lagi sebel nih. Lo tau kan, gue tuh sayang banget sama Ateng. Tapi, semalem gue lihat Ateng jalan sama cewe laen, udah gitu pake pegangan tangan en ciuman segala lagi, apa nggak yoksna tuh??”

Lince : “Wooww Merry!! Itu sih mah yoksna buanget tuch!!”

TETE TES NYALI DI ROLLER COASTER

Satu kali Tete Yaklep dapa ajak dari de pu anak ke Jakarta, dong pi ke Dufan di Ancol ka ini. Baru dong mau nai roller coaster.

Anak: "bapa berani naik ini ka tdk?".

Tete Yaklep: "Bah barang-barang kecil saja tu, di kampung sana sa su biasa naik ombak-ombak besar"

Sudah Pas roller coaster su jalan samua org teriak, kecuali Tete Yaklep, dia pegang besi keras-keras.

Waktu su stop begini, semua orang su turun. Cuma Tete Yaklep yang tetap duduk.

Petugas datang baru tanya tete : "Bapak tidak turun?"

Tete Yaklep diam saja lalu geleng-geleng kepala.

Petugas: "Bapak mau main lagi?".

Tete Yaklep tetap diam deng geleng-geleng kapala, Petugas su jadi bingung ka ini.

Tralama tete Yaklep panggil de pu anak datang.

Pas liat de pu anak datang, Tete Yaklep suruh petugas pergi jauh.

Anak : "Bapa kenapa ka?"

Tete Yaklep: "Mari ko dekat dulu".

De pu anak dekat, trus Tete Yaklep bisik : "Sa su berak celana ni"

NAMEK PESAN MAKANAN

Ada Namek satu dari Papua pigi jalan-jalan ke Jakarta.

Dia masuk resto maw makan.

Tapi karena tra taw cara pesan makanan, dia cari tempat duduk yang dekat dengan Abang Jakarta satu yang baru masuk sama dengan dia.

Trus Abang itu pesan makanan.

Abang : "Bang gue pesan spageti."

Namek : "Bang a juga pesan sepageti."

Abang : "Bang gue minumnya orange jus."

Namek : "Saa juga sama."

Abang : "Bang, kalo bisa gua minta koran yah.(dia pesan koran untuk isi waktu tunggu makanannya)

Namek : "Bang sa juga pesan koran."

Karena rasa risih dapa tiru-tiru, Abang ni liat-liat Namek. Begitu dapa liat, Namek yang rasa tra senang karena dapat liat-lita trus bilang.

Namek : "Eh... orang Jakarta ko kira kita di Papua tra tau makan spageti, orange jus sama KORAN kahh..???!!"