PAKE JAS HUJAN

Ada anak kembar dalam rahim mamanya lagi baku cerita.

Anak yang satu de bilang : "Ktong dua pu tempat ada bagoyang, pasti bapa de ada datang."

Yang satunya de bingung baru de bilang : "Ahhh... bukan bapa, kalo bapa yang datang biasanya kan de pake jas hujan!!"

TRIK BAKU BAIK DENG PACE

Ada pace deng mace dong dua bakalai, trus pace de mo kas tinggal de pu maitua jadi pace de jalan keluar rumah.

Mace : “Bapa baru anak-anak”

Pace : “Ko ambil sudah”,

Mace bilang : “Bapa baru rumah, motor, barang-barang ni….”

Pace jawab : “Ko ambil sudah.”

Mace de cari akal, begini mace angkat Rok trus Mace bilang : “Bapa baru ini ni…..”

Langsung pace ko jawab : “Mama sa kedepan beli rokok dulu, nanti sa bale…..”

ANTENA MENGHADAP KUBURAN

Ada tete satu nih dia duduk nonton TV.

Tete putar Chanel 1 begini, muncul film pocong; chanel 2, film drakula; chanel 3, film sunggi-sunggi.

Tete bilang : “Bah….semua film setan-setan….”

Tete pusing….akhirnya, tete panggil de pu cucu suruh cek antena,….

Abis cucu dia cek antena, cucu kembali baru bilang : "Bah tete, antena menghadap ke kuburan."

Langsung tete bilang : "Boooo……pantasan dapat film-film Neraka"

Tete lanjut bilang : "Cucu.... coba ko kasi menghadap ke Sentani Kiri (tempat lokalisasi), pasti kita dapat film perang????"

KEMBALI KE PUNTEN

Pace komen satu ni de masuk ke tempat pijat, jadi mba suruh pace ko bugil tinggal pake kolor saja.

Mba ko mulai pijit dari kaki naik, trus.....trus......trus......sampe di pace pu wilayah pinggang, sampe ke pace pu 'senjata' jadi mba pegang akan sambil bilang dengan bahasa jawa

Mba : "Punten mas, punten mas,....." maksudnya permisi, supaya pace jangan 'salah sangka', ka ini.

Tapi pace ko su pikiran kaco, karena mba pijit pace pu senjata dengan enak jadi....

Begini, mba mau pijit ke tempat lain, pace langsung ko bilang.

Pace : "ADOOH.......MBA JANG PINDAH KE TEMPAT LAIN KA.......KEMBALI KE PUNTEN SAJA SUDAH....."

YANG LEBIH TU IBU RT

Ne ada Mba satu, dia baru tinggal di satu kompleks di satu kota di Papua,

Trus bgini ada mama-mama tukang cerita orang, tuduh kalau mba ini Lonte…..

Sedangkan Mba ni dia tidak tau arti lonte tu apa ?

Jadi suatu hari Mba ne, tanya ibu RT….

Mba : “Bu desa, ibu-ibu d sini ngomong saya lonte, lonte tu apa ?…,”

Mace RT sudah tau artinya… tapi karna dia tra enak ngomong, …

Mace RT : “Lonte tu artinya, Mba paling cantik sekali…….”

Suatu hari ada pertemuan ibu-ibu satu kompleks, mba ne di persilakan tuk ngomong di depan….

Mba ne maju dan dia ngomng : “Terima kasih waktu yang di berikan pada saya… yang terhormat ibu-ibu lonte sekalian, saya mengaku, sebenarnya saya rasa saya kurang lonte, sebab yang lebih lonte lagi itu, ibu RT……..”