Nene Tunggu Obat


Suatu kali nene Yakomina de sakit jadi de pergi ke puskesmas untuk berobat. Selesai dapa priksa dari pace mantri langsung nene yakomina dapa suruh ke loket Obat. Tapi karena nene pu panyakit kombinasi jadi obatnya agak susah petugas loket obat dong cari.

Karna su lama jadi nene su maulai marah-marah sudah. Tra lama begini petugas loket obat keluar sambil bilang sama nene yakomina:

Petugas :”Nene…! Nene pu obat untuk sementara belum ada jadi nanti nene datang lusa atau minggu depan sudah ee…baru ambil nene pu obat.

Nene yang su emosi sdikit langsung jawab :”sudah kalo begitu kam kasih sa beras sedikit dengan gula, sama minyak goreng untuk sa pake tahan-tahan dulu..

Petugas:”wadoh nene ko parah skali. ***

Pace Mace, kalo su tertawa, silahkan tambah komentar karna belum ada orang yang komentar

Post a Comment

Penyangkalan / Disclaimer : Dengan mengunjungi, membaca dan berkomentar di website ini (www.mob.papua.us), Anda telah setuju untuk menganggap semua kisah yang ditulis di website ini merupakan rekayasa tanpa sengaja yang bertujuan hanya untuk hiburan semata.