SAPI


Ada pace satu, de mo bawa de pu sapi dari kampung ke kota, tapi rasa kesulitan skali mo kase naik sapi ke atas mobil pick-up. De suruh model apa juga sapi ko tetap krass di pinggir mobil. De tarik pake tali juga sapi ko tra mau naik ke mobil. Begini datang anak kecil satu yang kasihan liat pace stengah mati urus sapi satu itu. Anak itu de bilang : " Om, sa ada cara untuk kase naik sapi de ke mobil". Pace karna su ganas, de bilang : "Iyo, terserah ko saja anak. Mo pake cara apa kah, dari ko saja". Tra lama begini anak kecil jalan ke sapi pu telingga, de bisik sesuatu. Tiba-tiba sapi ko loncat ke atas mobil pick-up. Pace yang pu sapi de heran skali. Trus de tanya sama anak kecil tadi : "Anak, tadi ko bisik apakah sampe sapi de naik sendiri ke mobil?”. Anak kecil ko jawab santai saja : " Ah, trada mo om, sa cuma bilang sama sapi dia... Sapi ko naik dibelakang mobil sudah... Nanti sa bilang sama om sopir, kalo su mo dekat kota baru ko nanti pindah siku didepan mobil...

Pace Mace, kalo su tertawa, silahkan tambah komentar karna belum ada orang yang komentar

Post a Comment

Penyangkalan / Disclaimer : Dengan mengunjungi, membaca dan berkomentar di website ini (www.mob.papua.us), Anda telah setuju untuk menganggap semua kisah yang ditulis di website ini merupakan rekayasa tanpa sengaja yang bertujuan hanya untuk hiburan semata.