Jata Bulanan


Pace satu ni dia baru pulang balayar deng kapal 1 taong, pace ni rindu skali deng dia pu istri deng Ana.
Sampe di rumah pace Tra pake lama langsung minta naik ranjang deng dia pu istri.
Tapi pace pu Ana ni ada manangis.
Tra pake lama pace ambe dompet cabu kepeng 100 trus kase par dia punya Ana.
Pace bilang par dia punya ana bgni "ana ko kasi habis itu uang 100rb, kalo ko tidak kase habis ko Tra bole pulang eee".
Tra pake lama pace pu Ana lari ka kios.
Sampe di kios padahal kios ni ada tutup.
Pace pu Ana akhirnya pulang.

Sampe di rumah dia dengar pace bataria "ini jata bulan Januari...."
"ini jata bulan Februari ...."
"ini jata bulan Maret...."
Ana ni dia penasaran langsung dia maso ka kamar.
Baru sampe di muka pintu dia stop kaget Tra bae Lia dia pu pace dg mace.
Tapi pace dg mace ni Tra sadar kalo dia pu Ana su pulang.
Pace lanjut bataria sudah moo "ini jata bulan September...."
"Ini jata bulan Oktober..."
Pas mau maso bulan November pace kaget Lia dia pu Ana badiri di muka pintu.
Pace deng senyum tanya dia pu Ana "Ana ko kenapa pulang cepat? Uang tu akang su abis ka?"
Ana jawab deng senyum juga "bahh, kios ni dia tutup pace"
Pace tanya lagi "baru, ana di situ dari tadi ka tida?"
Ana jawab deng muka kaku "aahhh tida pace, sa ada di sini dari bulan April tadi.."
Pace "?$$!&@!?$&$@#*¥$"




 

Disampaikan oleh Randy

Penyangkalan / Disclaimer : Dengan mengunjungi, membaca dan berkomentar di website ini (www.mob.papua.us), Anda telah setuju untuk menganggap semua kisah yang ditulis di website ini merupakan rekayasa tanpa sengaja yang bertujuan hanya untuk hiburan semata.