Showing posts with label SETAN. Show all posts
Showing posts with label SETAN. Show all posts

PACE MENINGGAL KUNJUNGI MACE


Satu kali Pace Olof meninggal, jadi dIa pu arwah pergi ke dia pu rumah, mo ganggu dia pu Mace Enge;

Pace Olof toki pintu : tok tok tok...

Mace Enge : siapa kaaa?

Pace Olof : saya... ko pu suami

Mace : jiii.. ko sudah mati baruuuu...

Pace : tapi sa mo bicara dulu...

Mace : aisss... sa takut...ko su mati moo...

Pace : bah,... ini  penting skali....

Mace : tapi ko  su mati, jadi jang ganggu sa lagi.

Pace: adohh.. ini tentang barang satu...

Mace : tentang warisan ka togel..?

Pace : dua itu termasuk...

Mace semangat dengar pace pu jawaban jadi, mace buka pintu langsung...

Pas pintu tabuka, pace ada senyum baru bilang : ASLIII... Mace ko su jadi janda ehhh!!!

Mace de emosi langsung balas : setan otak mati...

Penyangkalan / Disclaimer : Dengan mengunjungi, membaca dan berkomentar di website ini (www.mob.papua.us), Anda telah setuju untuk menganggap semua kisah yang ditulis di website ini merupakan rekayasa tanpa sengaja yang bertujuan hanya untuk hiburan semata.