Showing posts with label PACE DAN ANAK. Show all posts
Showing posts with label PACE DAN ANAK. Show all posts

Anak Pahit Nama Pilatus


Anak Pahit Nama Pilatus

 Bapa : Atus..ko tolong beli bapa pu minuman dingin dulu di kios!

Atus : Coca Cola, ka sprite bapa?

Bapa : Coca cola saja

Atus : yang kaleng ka, yang botol?

Bapa : yang Botol

Atus : botol besar ka kecil, bapa?

Bapa : (mulai emosi) Atus buta huruf eeeee.. beli saya air putih saja sudah

Atus : Aqua ka vit bapa?

Bapa : Aqua saja

Atus : Yang dingin ka yang biasa?

Bapa : (emosi) Parang dimana eh, Sa mo bunuh anak ini!

Atus : Parang Sowek ka Parang Patimura bapa?

Bapa : Kelakuan macam binatang saja ko Atus.

Atus : Anjing ka Babi, Bapa?

Bapa : Bab Ko!

Atus : Betina ka jantan, bapa?

Bapa : LEBIH BAIK KO PERGI SUDAH, !!

Atus : Jauh k dekat Bapa?

Bapa : JAUH LEBIH BAIK

Atus : Sekarang ka besok Bapa?

Bapa : SEKARANGGGGGG

Atus : Bapa mau ikut ka tidak

Bapa : PILATUSSSSS SA BUNUH KO HARI INI JUGA

Atus : Tikam ka Tembak Bapa?

Bapa : SA TEMBAK KO

Atus : Di kepala k di perut Bapa?

Bapa :(panggil dia Maitua) MACEEEEEEEE WAKTU KO HAMIL PILATUS INI KO NGIDAM SAMILOTO K APA SAMPE DIA #PAHIT BEGINI

Mama : CUKARDELEN KO PILATUSSSSS

SIAPA YANG TANDA TANGAN TEKS PROKLAMASI


Yavet bapa ke ke skolah baru pace marah karna de pu anak yavet dapat pukul dar ibu guru.

Langsug ibu guru jelaskan : "sa tadi pukul yavet karna z tanya dia tentang siapa yang tanda tangan teks proklamasi kemerdekaan indonesia, tapi de tra taw jadi" 

Langsug yavet pu bapa minta maaf baru pulang menuju ke rumah.

Pace panggil yavet, baru suruh dia berdri. 

Pace langsung brlutut depan yavet baru de bilang : "yavet bapa tra mara ko, tapi kalo memang ko yang tanda tangan teks proklamasi ituu,, ko mengaku sudah, dari pada masalah di sekolah ni tambah panjang".

ANAK TANYA BAPA WAKTU CUKUR KUMIS


Ini ada pace 1, pace ni de asik cukur de pu kumiSs..truSs pas asik- asik nya de cukur de pu kumis begini de pu anak datng..truss dia punya anak datang baru dia tanya;

Anak : bapa..cukur begitu... sakit kh.??
bapa : tarada..tara sakit..!!
Anak : owwhh iyo sdh..

D pu anak pi main..berapa menit kemudian de pu anak kembali llgi truZz de pu anak tanya lagi..
Anak : bahhh.!! bapa maSsa... tdk sakit..??
Bapa : Sooo..tdk,, tdk sakit.!!

de pu anak pi main llgi..

sampe berapa menit kemudian de pu anak kurang puaSs denng de pu bapa pu jwaban jdi..de kembali llgi..truZz de tnya yg ketiga kali..

(kali ini de pu bapa su ganas skli)

Anak : bAhhhh..bapa masa tra sakit tuuu..???

karna de pu bapa su ganas jdi de pu bapa hlang kontrol..truZz dllm keadaan gagang cukur yg masih lengket di de pu kumiSs ( posisi cukur)
de pu baba GELENG KEPALA

BAPA: ADOOOOO!!!! TRA SAKITtttttttttt..

# de pu bapa mandi darah lngsung

ASAL MULA MANUSIA


Obet pulang sekolah langsung dia cari dia pu mama, pas ketemu dia py mama langsung dia tanya:

Obet : Mama.. Bagamana sampai ada manusia..???

Obet pu mama jawab

Mama : Jadi obet.. Tuhan menciptakan Adam dan Hawa. Terus dorang dua punya anak2, anak2nya punya anak2 lagi.. begitu sampe Mama bisa dapat ko sebagai anak..."

Besoknya Obet de tanya sama de punya Bapak.

Obet : Bapak.. bagaimana sampai ada manusia..???"

De punya Bapak jawab..

Bapak : Begini Obet... berjuta-juta tahun yang lalu ada kera yang perlahan-lahan Berevolusi menjadi manusia.

Obet langsung jadi bingung, Obet kembali tanya ulang lagi sama de pu Mama...

Obet : Mama.. kenapa Mama bilang manusia diciptakan Tuhan, tapi Bapak de bilang Manusia berasal dari kera...??

Langsung Obet pu Mama senyum2 Trus jawab...

Mama : Ooooooohhh..... klo Yang Mama cerita itu tentang Mama dong punya keluarga...

Tratau Klo yang Bapak de cerita itu Mungkin tentang Bapak de pu keluarga ka apa....... trus obet mau ikut Mama atau Bapak...??

ASAL MULA MANUSIA


Obet pulang sekolah langsung dia cari dia pu mama, pas ketemu dia py mama langsung dia tanya:

Obet : Mama.. Bagamana sampai ada manusia..???

Obet pu mama jawab

Mama : Jadi obet.. Tuhan menciptakan Adam dan Hawa. Terus dorang dua punya anak2, anak2nya punya anak2 lagi.. begitu sampe Mama bisa dapat ko sebagai anak..."

Besoknya Obet de tanya sama de punya Bapak.

Obet : Bapak.. bagaimana sampai ada manusia..???"

De punya Bapak jawab..

Bapak : Begini Obet... berjuta-juta tahun yang lalu ada kera yang perlahan-lahan Berevolusi menjadi manusia.

Obet langsung jadi bingung, Obet kembali tanya ulang lagi sama de pu Mama...

Obet : Mama.. kenapa Mama bilang manusia diciptakan Tuhan, tapi Bapak de bilang Manusia berasal dari kera...??

Langsung Obet pu Mama senyum2 Trus jawab...

Mama : Ooooooohhh..... klo Yang Mama cerita itu tentang Mama dong punya keluarga...

Tratau Klo yang Bapak de cerita itu Mungkin tentang Bapak de pu keluarga ka apa....... trus obet mau ikut Mama atau Bapak...??
Penyangkalan / Disclaimer : Dengan mengunjungi, membaca dan berkomentar di website ini (www.mob.papua.us), Anda telah setuju untuk menganggap semua kisah yang ditulis di website ini merupakan rekayasa tanpa sengaja yang bertujuan hanya untuk hiburan semata.