Showing posts with label MAKAN. Show all posts
Showing posts with label MAKAN. Show all posts

TUMIS DAUN DAN BUNGA PEPAYA


Ada anak satu de pulang dari sekolah ke rumah dengan kecepatan tinggi. De ada kelaparan tra bae punya, di rumah de pu mama masak daun pepaya tumis, su tau to tanggal-tanggal tua jadi makanan su meti betul.

Pulang sampe di rumah tra kase selamat siang ka langsung menuju dapur, sampe di dapur trus de batariak ke depan

Anak : “Mama..e..e…masak apa ka sa lapar sampe su mo mati ni…”

Mama : “Woi…i… anak sekolah apa yang goblok begitu ka, tra kase selamat siang lagi, su masuk di dapur baru batariak lapar lagi… Ko lihat di lemari situ sudah berkat yang ada di situ makan sudah to…”

Anak : “Aeh..h.. Mama e… Sungguh mati! Berkat apa yang pahit begini ka…e…eh!! ”

GARPU PEDIS


Ken ni dari kampung, de dapa ajak makan sama Otis di warung.

Otis : "Ko mau makan sup ?"

Ken jawab: "Bole juga"

Otis tanya lagi: "Sate kambing ?"

Ken : "Boleh juga."

Otis : "Pake garpu ka..?"

Ken : "Iyo.... tapi garpunya jang pedis eeee.."
Penyangkalan / Disclaimer : Dengan mengunjungi, membaca dan berkomentar di website ini (www.mob.papua.us), Anda telah setuju untuk menganggap semua kisah yang ditulis di website ini merupakan rekayasa tanpa sengaja yang bertujuan hanya untuk hiburan semata.