Jam delapan pagi begini ada telepon di Meja loket bioskop XXI Mall Jayapura babunyi.
Petugas Loket dia angkat baru kasi salam : "Hallo selamat pagi, ini deng siapa?"
Jon : "Sa Jon, sa cuma mo tanya kira-kira Bioskop biasa buka jam brapa kah ?"
Petugas Loket : "Nanti jam satu siang.
Jon : "Om tra bisa kasi buka pagi kah?"
Petugas : "Tra bisa, karna kitong pu jadwal putar cuma dari jam satu siang."
Akhirnya Jon dia kasi putus telepon.
Begini, sekitar jam sebelas siang ada telpon bunyi lagi.
Jon : "Hollooouuuww.. bioskop buka jam brapa kah ?"
Petugas Loket : "Eh... ko yang tadi telepon kah?!, sa su bilang kitong buka jam satu siang."
Jon :"Om tra... ko bisa buka jam dua belas siang kah?"
Petugas Loket : "Tra bisa.., memangnya ini ko pu nene pu bioskop kah?"
Jon dengan nada permohonan bilang :"Jii om... jang marah ka!, kalo bisa sa tawar jam stengah satu kah."
Petugas Loket : "Ko paksa sampe, memangnya ko mo nonton film apa sampe telpon ulang."
Jon sambil menangis dia bicara : "Sa tra nonton om, tapi sa ada ta kunci di dalam bioskop, tadi malam sa nonton deng bapade dorang, sa ketiduran, baru bapade dong kastinggal sa, jadi om tolong buka pintu kah..."
Disampaikan oleh Kombrof
