CARA KELUAR DARI KAMAR

Satu hari begini Bobi deng Tinus, dorang dua ada bermain tebak-tebakan.

Bobi : "Tinus, sa ada punya tebaka. kalo ko bisa jawab, ko minta apa saja sa kase."

Tinus sambil ketawa : "Oke dee, paling ko pun tebakan cuma itu-itu saja..."

Bobi : "Bagemana caranya ko kluar dari kamar yang tra ada pintunya..?, Ko tra boleh pake alat bantu apapun untuk bongkar kamar itu?."

Tinus : "Waee.. sulit tu! Bagemana kalo sa panjat"

Bobi : "Tra bisa... dia pu plafon terbuat dari besi, baru tatutup mati.."

Tinus : "Kalo sa dobrak tembok !!!"

Bobi : "Tra bisa, dia pu tembok, pake besi baja tebal..."

Tinus : "Bahhh,  kalo tra pake alat. Trus caranya bagemana..?!?"

Bobi : "Ko menyerah???"

Tinus : "Iyo.... menyerah!"

Bobi : "Hahae...Tinggal kluar saja too, Kamar itu tra punya daun pintu mo...!!!"

Tweet