TETE DAN TUKANG OJEK


Ada tete satu ini, dia pu rumah depan pangkalan ojek.

Begini tete dia mau jalan pergi beli rokok di warung sebelah.

Ojek su batariak : "OJEK Ka TETE..!!"

Tete (dalam hati) : "Jiiie... sapa yang maw naik kam pu ojek, dekat baru. .!!!"

Besoknya lagi, tete ada jalan pergi ke sebelah rumah ada pergi main.

Kaget, tukang ojek su batariak : "OJEK K..!!"

Tete (dalam hati): "jie sapa yang maw naik kam pu ojek..!! Dekat saja, baru"

Pas satu kali bgini, tete ada bertengkar dengan nene.

Jadi tete mau jalan duduk didepan teras hisap-hisap rokok, hilangkn stres ka ini.

Kaget tukang ojek su batariak : "OJEK K...!!!"

Tete ko dengar tukang ojek pu suara, pas tete dia lagi marah-marah jadi tete pikir bagus untuk olahraga pikiran.

Tete ko bilang: "Iyo... ojek,,kemari sudah..!!"

Tukang ojek ko dia lincah jalan mnuju tete, de semangat karna pasti akan dapat bayar banyak sama tete.

Pas sampe di tete, tukang ojek : "Tete mau kemana ka..?"

Tete: "Aah saya cuma mo tanya, ko ojek kaa..!??!"

Tukang ojek : "Iyo, kenapa jadi..?"

Tete : "Iyo bagus itu, daripada ko tinggal dirumah, trada kerja toh..!!"

Tukang ojek langsung loyo.
Penyangkalan / Disclaimer : Dengan mengunjungi, membaca dan berkomentar di website ini (www.mob.papua.us), Anda telah setuju untuk menganggap semua kisah yang ditulis di website ini merupakan rekayasa tanpa sengaja yang bertujuan hanya untuk hiburan semata.