OBAT PEMBUNUH KECOAK

Ada pace satu de panik skali karna pace ni de pu anak kecil ni ada telan kecoak.

Jadi pace ni de batariak de pu maitua: "Maaaaaaaa..., ini Yopi de ada telan kecoaaakk niiii.."

Mace dengar pace batariak langsung mace ko langsung pingsan sdh mooo..

Brapa lama begini, mace de sadar.

Mace langsung pergi ke dia pu anak pu kamar,  ada dia pu pace di situ.

Mace: "Bapaaa... Yopi bagemana???"

Pace : "Maaaa.., tenang saja.., biar Yopi de su tlan binatang itu tapi sa su kasi yopie de minum baigon, mungkin kecoak de su mati kapaaa eee??? jd Yopi de ada tidur tenang tuuuhh...!!!"

Tweet