GARA-GARA PENDETA OBET PU KAKI

Obet su jadi pendeta!! Jadi untuk de pu tugas pertama kali de diwajibkan pigi doakan orang sakit.

Kebetulan di donk pu jemaat, bapa Yaklep nih ada sekarat di rumah sakit Dian Harapan Waena.

Sudah Obet pi jenguk bapa Yaklep dan de mo doakan beliau biar ada urapan baru buat bapa Yaklep.

Pas di rumah sakit, Obet masuk ke ruang ICU, de begitu liat bapa Yaklep pu kondisi de langsung sedih.

Lalu de bilang ke bapa Yaklep : "Bapa Yaklep perkenalkan, sa Obet. sa ini bapa donk pu pendeta jemaat yang baru. Mari bapa katonk berdoa minta urapan Tuhan, biar bapa bisa sembuh!"

Dan Obet pimpin donk dalam ruangan itu berdoa, dalam pertengahan doa, bapa Yaklep langsung tarik-tarik Obet.

Obet yang ada berdoa kaget, liat bapa Yaklep su nafas-nafas terakhir.

Obet tanya : "Bapa ada apa? bapa mo apa?"

Yaklep tra bisa jawab, de cuman tunjuk kearah kertas dan bolpen.

Obet langsung cepat kasih ke Yaklep. Belum sampe selesai tulis Bapa Yaklep langsung meninggal.

Donk dalam ruangan itu jadi histeris,

Tanpa dibaca, Obet langsung lipat apa yang sempat bapa Yaklep tulis.

Besok pas pemakaman Bapa Yaklep, Obeth pun menjalankan tugas kedua yaitu memimpin upacara pemakaman. Sebelum bapa Yaklep pu mayat diturunkan

Obeth langsung pidato sdikit : "Saudara-saudari terkasih, sebelum kita melepaskan bapa terkasih kita Yaklep, ijinkan sa untuk membaca sebuah surat yang ditinggalkan almarhum sebelum pergi. Almarhum mungkin mempunyai pesan untuk kita semua dan keluarga. Jadi sudah pantasnya saya baca ini di depan beliau."

Sudah tra main tunggu lama obeth buka surat yang d lipat dan langsung d baca

Jadi bapa Yaklep pu isi surat ini adalah : "PAK PENDETAA....ANGKAT KO PU KAKI KASKADO TUH DARI Z PU SELANG OKSIGEN"

Tweet