Showing posts with label TETE DAN NENE. Show all posts
Showing posts with label TETE DAN NENE. Show all posts

NENE INGAT PU PINTAR DI SKOLAH


NENE INGAT PU PINTAR DI SKOLAHPas begini sore lagit bagus, trada hujan. Jadi tete dan nene jalan-jalan.

Dong dua jalan ke arah-arah kota, baru lewat di depan nene pu sekolah.

Pas lewat depan sekolah, nene dia stop baru tacigi. Trus nene bilang

Nene: "Tete ko tau ka waktu dulu za sekolah di sini tu pu pintar apa"

Trus dia tete jawab

Tete: "Iyo...nene ko memang pintar. Ko pu pintar itu yang tadi pagi ko putar kopi tra pake gula itu ka...hhhh"

TETE KAKI PUTUS PUNYA SIAL


Ada tete satu, dia punya kaki dua-duanya putus...jadi satu hari begini dha pergi ke laut untuk buang dopis,.

Tapi nene bilang ke tete supaya tinggal di rumah saja, tolong nene pu pekerjaan tanam sayur dan buat kebun.

Tapi tete tra mau dengar, dia paksa diri naik perahu terus melaut...

Sampe tengah laut tete ko bakar dopis, bru mau buaNgk.

Tiba-tiba ada ombak besar sambar tete pu perahu. Jadii dopis yang tete peggang jatuh dalam perahu langsung meledak...

Tete lihat begini dia punya tangan dua-dua putus, tapi dia masih hidup....

Tra lama... perahu tenggelam karena bocor besar...

Jadi tete qho terpaksa berenang ke'darat...,

Su saMpe di pinggir pante bgini, krna tete trabisa jalan jadii tete ko merayap shmpe bawah pohon kelapa,...

Tete mau miNta tolongk orang supaya bawa tete ke rumah sakit, trlama kelapa tua jatuh keNa tete kepala, tete batariak begini kelapa tua jatuh lagi kena tete pu badan...

Langsung orang-orang kesitu pegangk tete baru bawa tete naek taxi ke'rumah sakiT,

Dalam perjLanan bgini jalan maceT bru tete napas su puTus=-putus..

Jadi dongk ksih pindah tete naek ojek...

Su dekaT rumh sakiT tete shu seNangk sdh,

PaS shampe bgini rumah sakit tutup bru tete qho baca kerTas yg doNgk tmpell

"untuk sementara rumah sakit tutup selama satu bulan"

TETE DENGAN NENE GOYANG HANCUR DI ACARA


Suatu hari, tete dan nene ikut acara di kampung, dong dua goyang hancur-hancuran

Tete : Tete dia semangat langsung lompat salto belakang langsung
baru jalan robot

Nene : Anjingg.....Tete ko punya begini-begini ini yang dulu saya gila-gila
koi ini,

Nene semangat langsung jatuh 90 derajat dan tarian atau Jospan....

Tete : Anjingg.... Nene ko punya begigni-begini ini yang saya tra lepas koi ini

Nene : hmmbb...tra lama saya beruba wujud jadi 15 tahun baru ko streess lagiii... hahahahaaeee....

TETE DAN NENE PACARAN DEKAT TAI AYAM


ada tete dan nene yang lagi asik pacaran ..

pas nene ada geser2 di bangku taman begini nene pegang tai ayam..

nene langsung lapor ke tete..

baru tete bilang : anak kecil siapa yang berak tai ayam, seh!!!

NAMA MARIA


suatu malam.. tete deng nene ada tidur.

tra lama kemudian.. ada seorang pencuri masuk kerumah. dan de todong senjata tajam ke nene pu leher.

nene deng tete gementar dan takut..

pencuri ini bilang..
" kam jang berteriak.. kalau berteriak.. sa bunuh kam dua !

akhirnya tete deng nene diam.

trus pencuri tanya sama nene.. sambil taru parang di nene pu leher.
" eh.. nene.. ko pu nama siapa ?

nene jwb dgn nada gementar..
" sa.. sa pu nama maria .

pencuri langsung bilang..
" adoh.. sa tra jadi bunuh ko nene... nene ko pu nama sama dengan sa pu mama dirumah.

langsung de kas pindah parang ke tete pu leher.. dan de tanya..
" eh.. tete.. kalau ko pu nama siapa ?

tete jwb dgn nada gementar..
" saa.. sa pu nama... Obet.. tapi biasa anak;anak di kompleks panggil sa maria .

haha... takut sampe salah karang nama

NENE BUKA WARNET DIDALAM


Nene dan tete donk 2 duduk jadi donk 2 ganti nama s*x jadi istilah lain.

 Jadi tete bilang nene nanti kalau z mau s*x dgn ko z blng mau internet e???,

jadi nene bilang iyo. Pas tete dgn d cucu duduk2 jd tete bilng sama cucu bgni.... ko pi bilang nene, tete mau internet....

 cucu ke sana blng nene, tete mau internet....

 trus nene bilng sama cucu, ko pi blng tete jaringan tidak baik jadi tra bisa internet....

 cucu kasih tau ke tete, baru tete bilang ke cucu bgni, “blng sama nene, kalo bgitu tete internet di luar saja sdh”......

 cucu pi blng sama nene, baru nene blng sama cucu,... cucu, ko bilang sama tete dia, berani tete internet di luar, nene akan buka WARNET di dalam.

DIANTARA NAFSU DAN PENCURI KELADI


Tete deng Nene dong dua pi Cabut keladi dikebun...Selesai Cabut Tete deng Nene bawa pulang kerumah...

Tapi ditenggah jalan Tete ingin Main skali jadi Tete bilang Nene taruh Keladi di pinggir jalan situ dlu baru dong masuk ke Hutan2...

Pas Tete deng Nene selesai Kerja Bhakti dong dua keluar dari Hutan Keladi orang su Pencuri...

Nene de marah skali sama Tete jadi Nene de bilang...

Nene : Gara2 Ko pu Nafsu Biadap tuh akhirnya tong pu Keladi orang Pencuri...

Sambil senyum2 Tete bilang sama Nene...

Tete : Nafsu de tra salah...Yang salah tuh Orang yang Pencuri keladi tuh...

BAJU SAM BEKAS


Tete 1 Nih de kena Kaskado sampe hampir Mati...

Nene de kasihan sama Tete jadi Nene de jahit Tete baju lenggan Panjang baru Nene de tulis Nama di belakang Baju tuh " SAM BEKAS "

Tiap hari Tete pake baju itu trus, jadi de pu cucu penasaran makanya de tanya sama de pu Tete...

Cucu : Tete...kenapa tiap hari Tete pake baju yang ada tulisan " SAM BEKAS " ??
Memangx Sam Bekas tuh ada de pu arti kah..??

Sambil Senyum Manis Tete de jawab..

Tete : Cucu ko mo tau de pu arti kah..??

Cucu : Iyo Toh..!!

Tete : SAM BEKAS tuh artinya....

" SAMPE MATI BERSAMA KASKADO "

Haaaaeee...# Cucu badan Malas langsung...#

INSAN RASA JERUK


Nene dia ada kasi 10,000 rupiah ke tete untuk beli ikan kaleng saurice. Supaya jadi lauk untuk papeda. Padahal tete ada pamalas ke pasar.

Begini pas tete pergi ke pasar, tete ketemu dengan teman-teman lama yang lagi kumpul-kumpul uang supaya bisa minum miras. Dong batariak tete : "TETE... bisa tambah-tambah kah?"

Tete de langsung lupa dengan tujuan awal ke pasar, baru de jawab : "Ada nih!!"

Tete kasih 10,000 tu ke dia pu teman-teman baru dong jalan cari Saguer, dapat satu botol baru dong minum.

Baru tete dong minum di tempat karaoke, jadi perem-perem muda ada duduk di samping tete.

Baru nene ni tunggu tete lama sekali, jadi nene akhirnya ke pasar. Sampe di pasar, anak-anak kompleks kasitau nene kalo tete ada miras di tempat karoke, nene pas liat tete duduk dengan perem-perem muda, nene hati hancur.

Jadi nene jalan pulang, sampe di rumah, nene dia nonton tv, tapi karena yang muncul di tv cuma iklan obat rasa buah buahan jadi nene kasi mati tv, baru nene tamba ganas tete.

Sambil menangis nene masuk dalam kamar trus ambil pakaian,

Su habis minum, tete pulang. sampe di rumah tete berteriak : "Nene.... neneee..."

Nene dia tra jawab. Baru nene de kunci pintu kamar, supaya tete tra masuk.

Tete pas mo buka pintu kamar begini kaget kalo pintu takunci, jadi tete bilang : "Nene... ko buka pintu dulu..!!!"

Nene sambil menangis jawab : "Hikkk... hikkk ... PERGI... PERGI... JANGAN KAU SAKITI INSAN YANG RASA JERUK INI..."

KALO NENE JADI EMAS


Ada tete satu ni, dia sedang rayu nene.

Tete: "Sayang, andai ko jadi bulan sa jadi bintangnya, andai ko jadi gunung, sa jadi lembahnya."

Begini nene de tanya tete : "Tete, kalo sa jad emas, ko jadi apanya?"

Tete dia jawab : "Kalo ko jadi emas.........., sa jual saja too,...."

CARA NENE LARANG TETE KE BIAK


Suatu hari Tete rencana brangkat dari Biak dengan kapal putih ke Serui, tapi nene tidak ijinkan tete berangkat.

Tapi tete tetap paksa. Sampai di Pelabuhan begini tete naik kapal.

Stom pertama sudah bunyi, nene batariak : "Tete ko turun cepat...eee!!"

Tapi Tete tra mau turun.

Tralama stom kedua bunyi...

Nene su emosi.

Sampai stom ketiga bunyi, kapal su lepas tali mau bergerak... tete tidak juga turun dari kapal.

Laangsung nene batariak tete dari jauh : "Tete kepala botak, bertahan trus...!! Kalo ko tra cepat turun berarti mulai hari ini, menit ini, detik ini, Saa.....LONTE.........Tiitiiiik......!!!!

TETE PU PANTUN TUJUH BULAN


Tete dan nene dong dua baku marah, tete pukul nene jadi nene pulang ke nene pu keluarga trus tinggal sampe… hampir 7 bulan.

Tete ko krim surat yang isinya pantun sama nene: “perahu layar bertiang 7. kalo nene setuju kita bertemu di bulan ke-7."

Tra lama nene balas surat, baru nene bikin deng pantun juga

Nene tulis : “Kucing kurus mandi di papan. tete ko kurus, kepala botak, mata manyala! ko suru sa pulang untuk apa…? su pukul sa baru …!!”

KOREK PAKE KAYU


Ada nene dengan tete donk dua cuci pakean di kali, tiba-tiba nene punya CD hanyut baru tasangkut di batu besar.

Jadi nene bilang : "Tete ko pergi ambil sa pu cd dulu."

Tete pergi tapi karna pamalas jadi tete cuma korek-korek dgn kayu baru lempar ke nene.

Nene ganas baru nene blng : "Io.. de pu kulit jadi ko kore pake kayu, klo de pu isi tu kore pake lidah baru!!"

TETE PU GETARAN-GETARAN CINTA


Mo mengenang masa lalu, jadi tete ajak nene pacaran..

Dong dua duduk di kursi sofa baru begini tete minta cium, tapi nene tra maw.

Tete tinggal paksa-paksa trus.

Tete pu kata : "Booo.. nene,  sa cium satu kali kha??"

Nene bilang : "Tete.. ko stop gombal suda.."

Tiba-tiba ada gempa, langsung nene polo tete sambil gementar..

Nene bilang tete : "Sa takut oooo.."

Tete cium nene pu testa sambil bilang nene : "Ko tenang... itu yg namanya GETARAN-GETARAN CINTA...!!!"

TETE YUSUF DIPANGGIL MARIA


Perampok mereka rampok tete-nene pu rumah tapi karena ketahuan, perampok bilang sama tete-nene kalian harus di bunuh karna nanti kalian lapor polisi..

Perampok bilang : "Nene sebelum mati sa mo tanya nene nama sapa?"

Nene jawab : "Sa nama Maria.."

Perampok de kasihan karna de pu mama juga nama Maria, jadi nene lolos..

Perampok : "Sekarang tete, ko punya nama sapa?"

Tete jawab : "Sa punya nama YUSUF, tapi orang biasa panggil sa MARIA"

TETE PU KOPRAL KECIL


Tete ada' selingkuh jadi nene marah-marah, trus nene ada sms ke tete.

Nene : "sioo... buah matoa jatuh dalam kebaya, sudah tua tapi macam buaya.."

Tete tra trima jadi tete ada balas nene pu sms

Tete : "...kladi tua rasa pepaya, biar so tua tapi sa juga bosan dengan lubang buaya"

Nene jawab : "yoo..lubang buaya itu yang su makan korban jendral-jendral, termasuk ko pu 'kopral hitam' kecil itu..."
Penyangkalan / Disclaimer : Dengan mengunjungi, membaca dan berkomentar di website ini (www.mob.papua.us), Anda telah setuju untuk menganggap semua kisah yang ditulis di website ini merupakan rekayasa tanpa sengaja yang bertujuan hanya untuk hiburan semata.