Showing posts with label SALAH DENGAR. Show all posts
Showing posts with label SALAH DENGAR. Show all posts

TETE SALAH OBAT MATA


ada tete. de sakit mata. jadi tete de suruh de pu cucu untuk taruh salep obat mata.

tete : " cucu... cucu.. ko datang tolong ambil tete pu obat salep di atas lemari baru taruh di tete pu mata dulu.

cucu datang dan de ambil barang yg ada diatas lemari.. dan de tetes di tete pu mata.

tra lama kemudian.. tete mau buka mata tra bisa.. trus.. tete pu mata rasa panas skali..

akhirnya tete tanya : " eh.. cucu.. itu obat apa yang ko tetes di tete pu mata ?

cucu de jawab : " sa tra tau tete... sa ambil diatas lemari.

tete bilang : "adoh. coba ko eja nama obat yg tadi ko tetes di tete pu mata dolo..!

cucu de mulai mengeja : " al te co...!

Tete pas dengar.. lagsung tete pingsan. bagaimana lem alteco yg cucu de tetes di tete pu mata mo

KASI AIR PANAS


Suatu pagi ni Bobi dapa suruh sama de pu bapa, kalau ada de pu bapa pu kawan yang datang, suruh tunggu dan sekalian sama kasi sediakan minuman, air teh panas.

Bapa : "Bobi, nanti kalo bapa pu kawan datang, ko kasi dia air panas ee..!!"

Bobi : "Beres bapa..., jang khawatir, pasti sa kasi nanti..."

Abis itu pace pigi mandi. Baru tra lama begini pace pu teman dua datang.

Pace pu teman : "Permisi... Bobi... ko pu bapa ada?"

Bobi : "Bapa lagi mandi,"

Tra lama begini Bobi ke blakang ambil satu ember air panas, de ke depan trus langsung disiram air panas ke dua pace itu. Dong dua lari sudah mo, sambil batariak.

Setelah selesai mandi, Bobi pu bapa langsung ke ruang tamu baru tanya Bobi.

Bapa : "Bobi, mana bapa pu teman-teman, dong su datang kah?"

Bobi : "Sudah bapa..., tadi, malah sa su kasi dong air panas mendidih di dong dua pu badan, yang satu orang kabur, satunya lagi pu badan melepuh-melepuh."

NENE PENGANG KUAT PAGAR


Ada cucu satu de mo antar de pu nene pi berobat ke dokter pake motor.

Cucu : Nene pegang kuat ee. .

Nene : "Iyo sip. . nene su pegang kuat nih. ."

Cucu : "Betul su pegang kuat ka?"

Nene : "Iyo sudah nih. . ko nih cerewet skali."

Cucu : "Oke sudah. siap tong jalan. ."

Brumm. . Brumm. . cucu ko tancap gas dan tiba² ada bunti *BRUKKKKKKKKKK* cucu ini kaget tra bae punya pas de bale begini, nene ko ada tikam di aspal. langsung cucu de tanya :

Cuc : "Bah nene tra pegang kuat kah??"

Nene : "Ahh nene su pegang kuat skali moo"

Cucu : "Nene pegang di mana tadi jadi?"

Nene : "di pagar rumah situ. . ."

Cucu :  "%^@*^&#)(__)@)"
Penyangkalan / Disclaimer : Dengan mengunjungi, membaca dan berkomentar di website ini (www.mob.papua.us), Anda telah setuju untuk menganggap semua kisah yang ditulis di website ini merupakan rekayasa tanpa sengaja yang bertujuan hanya untuk hiburan semata.