TUKANG BECAK BAKU LOMBA BALAP DENGAN TUKANG OJEK

Ada tukang becak dengan tukang ojek di satu kota.

Baru ini tukang ojek dong sombong sekali setiap tukang ojek itu de lewat di dpn tukang ini di main2 gas sampe tukang becak ini de ganas.

Tukang becak ini langsung ajak tukang ojek ini baku balap .

Kaget bgini dong dua su siapkan kendaraan andalan untuk pake balap, pace ojek deng motor, baru tukan becak dengan dia pu becak andalan .

Dong dua ini baku lambung lambung .

Kaget su masuk finish bgini . Ada suara meledak ddaarrrrrr .

Tukang becak ini de bilang ke tukang ojek : "tobat to ko ban pica to..."

Tukang ojek balas : " Sa pu ban tra pecah, yang meletus itu ko pu betis ituu ..."

Tukang ojek dia langsung pingsan...

LOMBA KASIH MENANGIS SAPI

ada sebuah lombah yg agak aneh... di selenggarakan di indonesia. lomba ini bertaraf internasional.

lombanya adalah bikin sapi sampe menangis.

seluruh negara ikut serta.

pertama.. dari amerika..

peserta asal amerika.. pukul sapi dengan balok.. tapi sapi tidak menangis.. hanya berteriak sj karna sakit..

akhirnya amerika gagal.

kedua.. dari jepang... peserta karate sapi sampe sampi badan bengkak~bengkak.. tapi ternyata sapi tra menangis.

akhirnya jepang gagal.

singkat cerita. semua sudah lakukan dgn caranya masing2 agar sapi dapat menangis. tapi ternyata semua gagal.

terakhir.. peserta tuan rumah indonesia.. dia adalah yaklep.

yaklep langsung pergi menuju sapi.. trus. yaklep bisik di sapi pu telinga begini..

"sapi... sa baru dengar berita duka. ternyata ko pu mama meninggal !!!

Dengar Yaklep pu bisikan.. sapi dia langsung menangis sampe polo yaklep.

KANGKUNG PALING BESAR

Jon, Frans deng Tinus ada baku lomba cerita tentang dong pu sayur kangkung di dong pu kampung masing-masing.

Jon : "Di sa pu kampung tuh, kangkung besar-besar skali, kalo masak berapa batang saja, sa pasti su kenyang."

Frans : " Ah, itu kurang, kalo di sa pu kampung, sayur kangkung tuh pu besar sampe tikus dia bisa masuk di dalam."

Jon dia heran skali, tapi Tinus dia diam saja.

Begini giliran Tinus, tra mau kalah dia bilang : "Kalo di sa pu kampung itu, tikus tra bisa masuk dalam kangkung."

Frans dia ketawa baru bilang : "Ah, itu tra hebat, pasti ko pu kangkung tu, kecil-kecil too??"

Tinus : "Sabar dulu.., kam tau kenapa tikus tra bisa masuk??"

Dong dua diam. Trus Tinus lanjut : "Itu krena.... di sa pu kampung tu, yang ada dalam batang kangkung itu, KUCING!"

BIAR MATI YANG PENTING MENANG

Di depan pante dok dua ada tiga pace yang lagi duduk diatas perahu, dong tiga mo baku lomba molo baru tahan napas dalam air.

Pace yang pertama, de molo 10 menit saja de su naik.

Pace yang ke 2, dia molo 20 menit, langsung de naik.

Pace yang ketiga de molo....

Dong tunggu sampe su 2 jam, tapi pace ni tra naik-naik juga.

Pas dong dua cek begini, laki-laki de su mati dalam air baru dong beca tulisan di pace pu tangan : "Biar mati yang penting menang"

TETE BAKU LOMBA KAKU

Ada mas Jawa satu ni de ada jalan kaki di Kota Jayapura, tapi mas de tersesat karna su salah jalan. Trus dijalan itu tra ada orang-orang, sebab hari itu Persipura ada main di Mandala.

Begini dia ada liat tete satu ada duduk serius di kursi. Jadi mas de ke tete itu.

Mas : "Permisi kek... numpang tanya... "

Tete de diam saja, tra lirik mas.

Mas : "Gini.. kek, saya tersesat, tadi saya dari situ.. ke situ.. trus ke situ, lalu waktu saya balik, ternyata saya salah jalan... kira kira ini kemana yaa?? "

Tete de diam. tra bicara...

Mas dalam hati curiga, kalo tete ni su meninggal ka pa, sebab tete tidak sepatah kata pun bicara dan bergerak, kedip mata saja, tidak.

Mas : "Kek... kakekk...!!"

Mas de mulai goncang-goncang tete pu badan : "Kekkk.. kakekkkk...."

Tete karna su emosi, balik kepala ke mas baru batariak : "KAKEK-KAKEK APA.??? Goblokkk... gara-gara ko sa kalah taruhan nih, ko kasi sa sepuluh ribu cepat..."

Ternyata Tete tu ada BAKU LOMBA DIAM DENG TRA BERGERAK dengan tete tetangga rumah sebelah, Tete sebelah de batariak senang karna menang taruhan yang hadiahnya rokok satu bungkus.

SEGE IKUT KARAPAN BABI

Ada pace satu nama Pit Mabel, de ni punya babi nama Sege yang ikut lomba karapan babi waktu Festival Lembah Baliem. Hadiahnya itu puluhan juta rupiah.

Pace Pit de su yakin kalo Sege akan menang karna selama ini de su ajar trik-trik terbaru ke Sege untuk menangkan karapan babi.

Begini su babak final, sisa 5 ekor babi yang akan berlomba, termasuk Sege. Baru penontong dong semua berteriak : "SEGE, SEGE,SEGE,SEGE!!!!"

Pas bendera start dikibarkan, Pit dengan Sege balap... dong kasi tinggal empat babi lainnya.

Begini pas 20 meter dekat finish, Sege de stop, pace Pit paksa dia jalan deng cambuk tapi de tra lari, ternyata Sege de kencing, baru de santeee nikmati suasana itu.

Pace Pit de sepak Sege, tapi babi tu tetap tenang, sampe akhirnya babi lain yang tatinggal 40 meter tadi lewati Sege, sampe akhrinya babi itu yang sampe di garis finish.

Pit de menangis guling-guling di rumput, gara-gara kalah.

Begini Sege yang su selesai kencing, de jalan dekat Pace Pit baru de kasi suara : "Ngookkk ngoookkk???"

SA PU ANJING YANG CERITA

Yaklep, Enos deng Yakob dong bicara tentang dong pu anjing pu kelebihan.

Yakob angkat : "Sa pu anjing tu dia pintar sampe. Pokoknya sa perintah de bagaimana juga de macam su paham ka ini".

Enos juga tra mo kalah: "Iyo ka...?"

Enos: "Kalo sa pu anjing tuh, de bisa bantu bawa sa pu tas, jaga sa pu anak, trus bisa tau klo ada yang niat tra baek..."

Booo Yaklep dengar de tramau kalah: "Aeeee... semua yang kam cerita tuh sa su tau dari dulu eeeeeeee, karna sa pu anjing de su cerita akan.."

POKPOK UJI JAGO

Di suatu malam yang sunyi dan senyap ada tiga orang pokpok (setan yang biasanya makan bayi atau oroknya dari manado) ada ceriat baku uji sapa yang lebih jago

Pokpok1 : "Eh,coba torang tiga baku uji sapa dang yang lebe jago."

Pokpok2 & Pokpok3 : "Boleh,ngana pe kira torang mo tako"

Trus sudah dorang tiga mulai baku suten(suit) sapa yang dapa bagian pertama. Nah,ini pokpok1 dapa bagian pertama tuk kase tunjuk da pu jago.

Dia langsung tarbang secepat kilat, tra lama baru 2 menit dia so balik ulang sambil dari da pu mulut su kaluar-kaluar darah segar,trus dia bilang pa depe teman lain,

Pokpok1 : "Ngoni da lia itu desa di sana?"

Pokpok2 & Pokpok 3 : "Iyo..."

Pokpok1 : "Samua rata,kita so kase abis!" (Sambil ta tawa puas)

Pokpok2 tra mo kalah,trus dia langsung tarbang lagi kayak kilat,tra lama barang 3 menit dia su bale sambil dari depe mulut,deng da pu tangan badarah-darah segar.Trus dia langsung pamer buat da pu teman-teman.

Pokpok2 : "Ngoni da lia tu kota di seberang itu?"

Pokpok1 & Pokpok3 : "Iyo....."

Pokpok2 : "Samua rata,kita so makang dorang samua!" (Sambil ta tawa puas)

Pokpok3 lagi tra mo kalah, trus dia langsung tarbang macam kilat.tapi tra lama 1 menit kemudian dia su balik tapi da pu mata,hidung,mulut,deng da pu baju kaluar darah segar.

Dua Pokpok lain bicara dalam hati "pe mai dia lebe jago dari torang dua e".trus ini pokpok3 tanya pa depe tamang-tamang

Pokpok3 : "Ngoni dua lia tu tiang listrik di perempatan sebelah?"

Pokpok1 & Pokpok2 : "Lia...."

Pokpok3 : "Pe mai kita nya liat"