SIAPA YANG TANDA TANGAN TEKS PROKLAMASI

Yavet bapa ke ke skolah baru pace marah karna de pu anak yavet dapat pukul dar ibu guru.

Langsug ibu guru jelaskan : "sa tadi pukul yavet karna z tanya dia tentang siapa yang tanda tangan teks proklamasi kemerdekaan indonesia, tapi de tra taw jadi" 

Langsug yavet pu bapa minta maaf baru pulang menuju ke rumah.

Pace panggil yavet, baru suruh dia berdri. 

Pace langsung brlutut depan yavet baru de bilang : "yavet bapa tra mara ko, tapi kalo memang ko yang tanda tangan teks proklamasi ituu,, ko mengaku sudah, dari pada masalah di sekolah ni tambah panjang".

IBU GURU PERKENALKAN DIRI DI DEPAN ANAK-ANAK MASTER

Ibu Guru: Slamat pagi anak2 dong smua...Kira2 hari ini hari apa???? Ada yang tau???

Murid2 semua diam...

Ibu Guru: Ok..Klu lupa..Ibu Guru tanya barang lain saja...Kira-kira sapa yang tau klo" Siapakah nama Ibu Guru????"

Anak2 masih tetap diam...

Ibu guru bertaxa lagi: OK...Coba z taxa lagi wat kam smua.." Siapakah nama Presiden RI skarang???

MURID2 MASIH DIAM SAJA

KARENA TRA ADA YANG BICARA, IBU GURU DE MARAH, LANGSUNG de tumbu meja bru de bilang..: "ok, z doakan agar KAM SMUA BISU SLAMANYA

TIBA_TIBA KEPALA SEKOLAH MASUK DI KLAS yg ada IBU GURU ini...

Kepsek: Maff ibu..Klu boleh tau bapak siapa yah????

IBU GURU: Owwww....aro ro ro... z ini guru yg MAU BERBAKTI untuk anak2 sekolah

KEPSEK: Iyo kh??? Pas KO dtng tepat wktu...ANAK2 BISU dalam kelas ini. master skali DALAM BUAT BOM ATOM n dorang lagi mau praktik lempar bom sama target utama...JAdi IBU GURU JGN RAGU2, MAJU KE DEPAN KELAS SANA SUPAya DONG PAKE BOM LEMPAR KO..."

NAKSIR IBU GURU

ada anak satu dia naksir sekali sama ibu guru cantik satu

pas begini di ruang kelas dia tatap ibu guru trusss...

sampe, ibu guru yang rasa su aneh2 bilang diia.. "eh anak ko kenapa liat ibu begitu"

anak itu bilang.. "macam ada rasa cinta begitu kah!"

ibu guru balas, "ya ampun, saya ini sudah nikah sudah punya suami dan anak,"

anak itu balas "macam tra bisa bagi waktu kah dengan saya," ....

TEKS PROKLAMASI TANPA HATTA

Pace kepala sekolah satu pas upacara bendera di sekolah baru baca teks proklamsi

pas pace baca sampe di penutupan, pace cuma baca Sukarno saja,

baru pace lupa baca Hatta pu nama..

anak-anak yang ikut upacara itu kastau pace untuk baca hatta pu naama lagi.,

BAKU TAWAR PIKNIK

Guru= “Anak – anak, besok torang akan piknik ke
pantai
yah”
Murid= “horeeee..!!”
Guru= “Setiap siswa harus bayar 1 juta”
Murid= “Huuuuu…!!”
Guru= “itu kalo naik taksi, kalo naik bis bayar 30
ribu”
Murid= “horeeee..!!”
Guru= “tapi tra boleh ada yang berenang”
Murid= “Huuuuu…!!”
Guru= “maksudnya di dalam mobil”
Murid= “horeeee..!!”
Guru= “minuman yang tersedia adalah air putih”
Murid= “Huuuuu…!!”
Guru= “itu untuk saya, kalo untuk kam dapa kasi koka kola”
Murid= “horeeee..!!”
Guru= “kepala sekolah nanti mo ikut”
Murid= “Huuuuu…!!”
Guru= “mo ikut antar sampe depan sekolah saja”
Murid= “horeeee..!!”
Guru= “nanti torang pulang jam 12″
Murid= “Huuuuu…!!”
Guru= “12 malam”
Murid= “horeeee..!!”
Guru= "Tapi tra jadi... karna kam terlalu banyak baku tawar"
Murid= Boooooooooooooooooooooooooooooooooooooooo...