KO PIKIR KO SENTER

Satu kale begini pace Obet dah dapat kase putus sama da pu maitua, padahal pace ko su cinta mati skali.

De stress setengah mati. Padahal da su bagaya sama da pu teman-teman semua kalo da mo kawin deng mace itu.

Akhirnya Obet ko putuskan untuk bunuh diri.

Pace da ambil baterei pu isi yang itam baru da makan akang. Pace ko step dan mati langsung.

Besoknya da pu bapa datang ke Obet pu kuburan baru menangis takaruan adat.

Sambil menangis da batariak : "OBET..OBET.., HIKS. HIKS... SA TAU PUTUS CINTA MEMANG BRAT..TAPI KENAPA..? KENAPA ? KENAPA KO MAKAN BATEREI ? KO PIKIR KO SENTER KA ????"

BENCONG MENINGGAL

Bencong satu dia meninggal, waktu mo pemakaman, Pendeta bingung, mo bilang Almarhum sedangkan ini bencong, Mo bilang Almarhumah sedangkan ini laki-laki.

Karna sudah lihat banyak orang menunggu pendeta mulai ibadah pemakaman, pendeta langsung ambil keputusan sambil bilang .

Pendeta : "Saudara-saudari sekalian, mari kita antar jenasah almunium ini ke tempat pabriknya yang terakhir..."