| Ada satu anak kecil, de pu umur kira-kira 3 tahun. Oleh de pu bapa deng mama, dia diajar supaya kalo mo pipis (buang air kecil), slalu sebut mo ‘menyanyi’. Dong ajar begitu karna dong pu rumah slalu kedatangan tamu dan anak ini selalu bataria di depan tamu-tamu dorang kalo de so rasa mo pipis. Satu waktu, karna ada acara penting, anak ini dititip sama de pu nene dan tete. Waktu tengah malam, anak ko rasa pipis, trus de bisik sama de pu nene : "Nene, sa mo nyanyi nih." Sialnya de pu nene tra mengerti kode rahasia yang anak ini pu bapa dan mama ajar. " Cucu sayang..so larut malam neh..tra usah menyanyi sudah, nanti tetangga bangun.. lebih baik ko tidur, besok saja baru menyanyi ee," ujar nene. Tapi anak so tra tahan mo pipis, de tatap paksa. " Neneeeeeee…. sa mo menyanyi nih..sa so tra tahan,".Karena didesak terus, akhirnya nenenya mengalah." Iyo sudah…ko menyanyi di nene pu telinga, tapi pelan-pelan ee nanti tete bangun," Tra tunggu lama lagi,
cucu ko langsung semprot sudah moo di nene pu telinga. ** |
Kalo ko suka mob diatas, ko juga pasti suka baca mob di bawa ini