YANG ASLI MENYUSUL


Ada pace satu nih de kuliah di Jawa. Tapi de nih kerja cuma mabuk saja. Uang kuliah de pake buat mabuk-mabuk. Begini pas mo bayar SPP su trada uang lagi. Jadi pace ko telpon ko pu bapa minta kirim uang lagi. De pu bapa yang dengar de minta uang lagi langung marah udah mo...
Bapa : Ae anak, kemarin bapa baru kirim uang SPP to! masa ko su minta kirim lagi...
Anak : Bah bapa yang kemarin tu buat semester kemarin to...
Bapa : Ae anak ko jang tipu-tipu bapa eee... nanti sa tumbu ko nanti eee...
Anak : Ah bapa ko bikin keras batang sampe...
Bapa : Yo nanti kejadian baru bilang ampun...
Anak : Ah bapa, coba klo bisa...
Sudah begini bapa ko pi ke tukang fotokopi untuk fotokopi de pu tangan tapi de bikin tangan bentuk pelungku ka ini. Trus bapa da tulis di bawah "Yang asli menyusul setelah ko terima gambar ini”. Trus pace ko kirim gambar itu ke de pu anak. Begini satu minggu kemudian de pu anak terima gambar itu baru de bilang : ”Ae bapa de cuma berani kirim gambar saja...”. Pas anak koabis baca tulisan yang paling bawah, ko balik badan dan... PLAKKKKK!!!! Langsung de pu bapa bilang : ”Ah itu baru ko bilang bapa keras batang to...”
Penyangkalan / Disclaimer : Dengan mengunjungi, membaca dan berkomentar di website ini (www.mob.papua.us), Anda telah setuju untuk menganggap semua kisah yang ditulis di website ini merupakan rekayasa tanpa sengaja yang bertujuan hanya untuk hiburan semata.