EMAIL


Bapa satu ini ada duduk baca koran lama. Begini de dengar de pu anak ada telpon de pu pacar yang ada di Jawa sana…

Anak : "Iyo, nanti sa kirim sa pu foto lewat Imel (maksudnya Email) sudah…"

Bapa ko dengar begitu trus mulai angkat bicara…

Bapa : "Anak eee… Ko stop bawa-bawa Markus pu anak perempuan sudah (Bapa Markus pu anak perem nama Imel). Ko mo suruh de bawa ko foto ke Jawa toh. Ko kira jawa tuh dekat ka???"

Anak : "Bapa… yang sa maksud tuh bukan Imel tapi Email…, itu yang...."

Anak blum selesai jelaskan bapa langsung potong kalimat dengan bilang

Bapa : "Ah… Bapa cuma tes ko saja to. Bapa juga su tau mo… Email itu kapal udang yang ada transit di pelabuhan tooo???"

Anak: ???????????

Pace Mace, kalo su tertawa, silahkan tambah komentar karna belum ada orang yang komentar

Post a Comment

Penyangkalan / Disclaimer : Dengan mengunjungi, membaca dan berkomentar di website ini (www.mob.papua.us), Anda telah setuju untuk menganggap semua kisah yang ditulis di website ini merupakan rekayasa tanpa sengaja yang bertujuan hanya untuk hiburan semata.