ALMAMATER

Pada suatu hari Obed de penasaran dengan kata "Almarhum", jadi de tanya de pu bapa.

Obed : "Bapa.. kalau Almarhum itu sperti apa "?

Bapa : "Oh...itu sebutan untuk bapa tong ini, ko pu bapade, bapatua dong, trus ko pu tete dong itu...kalau tong mati, itu yang dong sebut Almarhum....."

Obed : "Trus kalo Almarhumah ?

Bapa : " alau Alamarhumah itu sebaliknya, kayak ko pu mama, ko pu tanta, ko pu mamade, atau ko pu nene dong itu.....kalau dong mati, itu yang dong sebut Almarhumah..."

Tapi Obed masih penasaran jadi de tanya

Obed : "Bah.... baru Bapa, trus kalau macam kitong anak-anak ini kalau mati ...dong sebut apa..."?

De bapa diam sedikit, baru de bapa jawab.

Bapa : "Tara tau eee... mungkin 'Al.. mamater" ka ?"

Tweet