SEX ITU APA?


Satu kali begini Obet de tanya sama de pu bapa, "bapa, sex itu apa kah ?"

de pu bapa nih kaget tra bae punya. anak kecil baru tanya barang itu lagi. . . sudah pace nih pikir bagaimana supaya bisa jelaskan ke Obet deng bahasa yang obet bisa mengerti.

pace mulai jelaskan pakek perumpamaan Katak. bagaimana katak itu dari kecebong sampe de bisa jadi katak. . trus kupu2, bagaimana dari ulat, kepompong sampe bisa jadi kupu2. trus pace de mulai cerita kisah tentang pace dia deng obet pu mama mulai kenalan sampe obet lahir. pace jelaskan luar2 nya saja.
pas selesai jelaskan begini Obet de menangis keras2 eee. . . langsung pace de tanya "bah obet, kenapa ko menangis lagi? bapa su jelaskan tuh!"

obet bilang "de pu jawaban panjang sampeeee. . sa mo isi bagaimana nih ? ini de pu kotak jawaban cuma dua saja baru . . ahh kalo begitu bapa ko yg tulis di sa pu buku ini sudah" obet lempar de pu buku bahasa inggris ke de pu bapa. pace angkat buku begini dapa liat tulisan di sampul depan. .
NAME : . . . . . . . .
ADDRESS : . . . . .
CLASS : . . . . . . .
AGE : . . . . . . . . .
SEX : . . . . / . . . .
pace duduk garuk2 kepala langsung. . . .

Pace Mace, kalo su tertawa, silahkan tambah komentar sebab sudah ada 1 orang yang komentar

nober bl said...

Haha

Post a Comment

Penyangkalan / Disclaimer : Dengan mengunjungi, membaca dan berkomentar di website ini (www.mob.papua.us), Anda telah setuju untuk menganggap semua kisah yang ditulis di website ini merupakan rekayasa tanpa sengaja yang bertujuan hanya untuk hiburan semata.