Ni crita btul terjadi….waktu itu z klas 3 smp taun 96, pas hari itu mo dekat2 trima raport jadi masuk skolah tapi kgiatan blajar tra sperti biasa. Makanya z deng teman2 tong pi garis ke z pu teman Ce pu rumah di Malanu arter, tong main di sana sampe sore baru pulang…dalm taxi z deng z pu teman 2 orang tong duduk bangku blakang, z siku di jendela kiri, taxi ko lanjut bgini pas sampe di mata jalan inpres 46 tu taxi stop, Mama 1 d naik duduk bangku tengah, ke depan sdikit mata jalan gereja Efata ade laki2 1 naik dari situ, d baru mo duduk taru pantat bgini :
Mama: ’Herry…kamu ini jalan tau rumah ka trada…, ko dari mana saja ni eh???”,
rupanya ade laki2 yang tadi baru naik tu, Mama d pu anak laki2 ka ini….
Mama :’ baru ko pu kaka Ones mana?...”
Herry :’akh…Ma tra bisa bicara plan ka…?"
Mama:’hah…plan2 apa…, ni orang tua bicara ni, kamu 2 tu jalan dari malam minggu sampeeee….kam tidur di mana ka…???”
Sungguh mati, z deng z pu teman2 di blakang tu, su tra tau su, takut dapa marah ka ini,jadi tertawa dalam hati sampe z tu tinggal gigit baju, z pu teman tu air mata saja yg tabongkar….
Mama deng anak dong 2 masih baku mlawan jadi, Mama d tinggal Tanya Ones d pu ade, kk Hery ada di mana…yg bikin z memang su tra tahan ktawa ni
Herry:’Jiii…Mama ni, z juga tra tau Herry d dimana, tapi tadi macam z liat d di Rental ka”
Mama ni d su tratau ka ato d bingung ka, tambah emo lagiii, d pikir lama tapiii…& Mama ko lanjut su
Mama :’Herry kamu tu klo orang tua tanya jawab bae2 ka…..dari tadi 2 z tanya, ko bilang tra tau, skarang ko bilang Rental….yiiih….Rental tu sa pa pun anak lagi ka???”